LUFUNJISHO 11

Kwamba na Kizaku

Loma 12:11

BYO MWAFWAINWA KUBA: Ambai na kizaku pa kuba’mba bantu bateko muchima ku byo mubena kwamba.

Taiko muchima pa kunengezha. Kimye kyo mubena kunengezha byo mukamba, langulukai pa buneme bwa byambo byo mukafunjishanga. Nengezhai bulongo pa kuba’mba mukambe kufuma panshi ya muchima.
Langulukai pa bantu. Langulukai pa byambo byo mukatanga nangwa kufunjisha byo byakonsha kukwasha bantu. Langulukaipo mashinda amo o mwakonsha kwambilamo pa kuba’mba mukafike bantu pa muchima.
Ambainga na kizaku. Ambai na kizaku. Ingijishainga bulongo maboko kabiji kilungi kyenu kyafwainwa kumwesha byo mubena kumvwa ku muchima pa byo mubena kwamba.

Pa kulumbulula bishinka, kange mwingijishenga maboko mu jishinda jimotu ne. Ingijishainga maboko po kyafwainwa. Ambai na kizaku inge mubena kwamba kishinka kyanema, ne kutundaika bantu kulondela byo mwaamba. Kechi mwafwainwa kutwajijilatu kwamba na jiwi ja peulu kufikatu ne jashi byo jipwa ne, mambo kuba bino kwakonsha kufichisha bantu ku muchima.