LUFUNJISHO 13

Kulumbulula Buneme bwa Bishinka

Byambo bya Maana 3:21

BYO MWAFWAINWA KUBA: Kwashai bantu kumvwisha byo mubena kwibafunjisha ne byo bakonsha kwibingijisha mu bwikalo bwabo.

Langulukai pa bantu. Langulukai pa ene mambo bantu o bafwainwa kutelekela ku byambo byo mubena kufunjisha, kabiji monaipo kishinka kikatampe mu jashi jenu kyakonsha kwibakwasha.
Lumbulwilai bantu byo bakonsha kwingijisha bishinka. Aku mutendekatu kwamba jashi, kwashai bonse mu luonde kumona buneme bwa bishinka biji mu jashi jenu. Balumbulwilai byo bakonsha kwingijisha bishinka byo mubena kwambapo. Lumbululai bishinka mu kushinkamika, kechi kupitapotu lubilo ne.

Pa kwibalumbulwila byo bakonsha kwingijisha mafunde a mu Baibolo, ambai mu butemwe ne na kifyele. Kange mwibazhachishenga ne, bino bakwashai kutwajijila kwikala na butemwe ne lwitabilo. Mwafwainwa kuketekela’mba bakengijilapo ne kulondela byaamba Baibolo.