“Lama Muchima Wobe!”

Kushonkena Kwa Nkambi Kwa Bakamonyi Ba Kwa Yehoba

KISHINA KYA PA JUBA JITANSHI

“Pakuba aye Yehoba Utala mu Muchima”—1 SAMWELA 16:7.

KISHINA KYA PA JUBA JA BUBIJI

“Kanwa Kamba Monka Mwavujila Biji mu Muchima”—MATEO 12:34.

KISHINA KYA PA JUBA JA BUSATU

“Ingijilainga Yehoba na Muchima Yense”—1 BYAMBO BYA MOBA 28:9.

Mu Baibolo muchima bamwambapo bingi. Pavula mu Binembelo bamwingijisha mu bukifwanyikizho. Nga muchima wa kifwanyikizho ye mu ka? Ulumbulula bumuntu bwa mukachi, ko kuba’mba bilanguluka muntu, byo eumvwa ne byo asaka.

Mambo ka o twafwainwa kulamawizhizhanga muchima wetu wa kifwanyikizho? Lesa waambijile Mfumu Solomone kunemba’mba: “Lama muchima wobe kukila byonse byo ulama; mambo mu muchima mo mufuma bwikalo bwa muntu.” (Byambo bya Mana 4:23) Bwikalo bwetu luno ne bwa kulutwe bwaimena pa biji muchima wetu wa kifwanyikizho. Mambo ka? Mambo Lesa umona biji mu muchima wetu. (1 Samwela 16:7) Bumuntu bwetu bwa mukachi, “muchima” wetu ye ulengela Lesa kwitutala bulongo nangwa ne.—1 Petelo 3:4.

Twakonsha byepi kulamawizha muchima wetu? Buno bwipuzho bukakumbulwa pa kushonkena kwa Bakamonyi ba kwa Yehoba kukekalako mwaya ntanda yonse kwatendekele mu ñondo wa May. Tubena kwimwita kuba’mba mukatanweko moba onse asatu a kuno kushonkena.a Byo mukafunda bikemulengela kwikala bwikalo busangajika muchima wa Yehoba Lesa.—Byambo bya Mana 27:11.

Mwaswa kwimufwakesha nyi?

Nangwa kya kuba tuji mu ino ntanda yayula makatazho, mwakonsha kwikala na lusekelo umvwe mwafunda maana alumbuluka aji mu Baibolo a kuyuka Lesa, Bufumu bwanji ne kyo alengejile bantu. Inge mwaswa kuyukilako byavula, nangwa mukeba amba umo eyenga pa nzubo yenu na kwimufunjisha Baibolo kyatu, mwane nembelai Bakamonyi ba kwa Yehoba, Box 33459, Lusaka 10101, nangwa kukwabo kuji pepi na komuji kuji pa peja 4. Mwakonsha kwisamba na Bakamonyi ba kwa Yehoba kupichila mu kwingijisha keyala wa www.watchtower.org.