Kwamba Bulongo Byambo bya Kupezhako

Musapwishi 12:13, 14

BYO MWAFWAINWA KUBA: Mu byambo byenu bya kupezhako, tundaikai bantu bo mubena kwamba nabo kwingijisha bintu byo mwibafunjisha mu bwikalo bwabo.

BYA KUBA:

• Byambo bya kupezhako byafwainwa kukwatankana na jashi. Bwezhaipo kwamba mutwe wa jashi ne bishinka bikatampe bijimo.

• Tundaikai bantu bo mubena kwamba nabo. Buulai bantu byo bafwainwa kuba ne ene mambo o bafwainwa kubila byobyo. Ambainga saka mwashiinwa ne kumwesha’mba byo mubena kwamba byanema bingi.

• Byambo bya kupezhako kechi byafwainwa kuvula ne. Mu byambo bya kupezhako, kechi mwafwainwa kutendeka kwamba pa bishinka bikwabo ne. Pakuba mwafwainwa kutundaika bantu na byambotu bicheche kuba’mba bengijishenga bintu byo bafunda.