BUTALA BWA MABUKU BWA PA INTANETI
Kyamba kya Usopa
BUTALA BWA PA INTANETI
Kikaonde
Pa kukebela
  • Bisopelo
  • BAIBOLO
  • MABUKU
  • KUPWILA
  • lff lufunjisho 46
  • Mambo ka o Mwafwainwa Kwipana ne Kubatizhiwa?

Vidyo ufwamo.

Yakana kushinkuka.

  • Mambo ka o Mwafwainwa Kwipana ne Kubatizhiwa?
  • Mukekala Myaka ne Myaka!—Fundainga Baibolo
  • Tumitwe tucheche
  • Byambo Bipashako
  • FUNJILAIPO BIKWABO
  • ÑANYI BISHINKA BYO MWAFUNDA?
  • KEBAI BISHINKA BIKWABO
  • Nanchi Mwinengezha Kwipana kwi Yehoba Nyi?
    Kyamba kya Usopa Kibena Kubijika Bufumu bwa Yehoba (Kya Kufundamo)—2024
  • Nanchi Nafwainwa Kwipana kwi Lesa ne Kubatizhiwa Nyi?
    Nanchi Baibolo Waamba’mba Ka?
  • Nanchi Mwafikilamo Kubatizhiwa Nyi?
    Kyamba kya Usopa Kibena Kubijika Bufumu Bwa Yehoba (Kya Kufundamo)—2020
  • Nanchi Mwafikilamo Kubatizhiwa Nyi?
    Mukekala Myaka ne Myaka!—Fundainga Baibolo
Monai Bikwabo
Mukekala Myaka ne Myaka!—Fundainga Baibolo
lff lufunjisho 46
Lufunjisho 46. Mwanamulume ubena kulomba bunke bwanji.

LUFUNJISHO 46

Mambo ka o Mwafwainwa Kwipana ne Kubatizhiwa?

Buku ye Bapulinta
Buku ye Bapulinta
Buku ye Bapulinta

Mwipana kwi Yehoba kupichila mu kumulaya mu lulombelo kuba’mba mukamwingijilangatu aye yenka kwapwa. Kabiji mumulaya kuba’mba mukatangizhako kuba kyaswa muchima wanji mu bwikalo bwenu bonse. (Salamo 40:8) Inge mwauba bino, po po mwafwainwa kubatizhiwa. Inge mwabatizhiwa, bantu po po bayuka’mba mwipana kwi Yehoba. Kwipana kwi Yehoba ke kintu kyanema bingi kukila bintu byonse byo twafwainwa kuba mu bwikalo bwetu. Kufuukulapo kwipana kwanema bingi mambo kukemukwasha kupimpula byubilo byenu. Ñanyi bintu byafwainwa kwimutundaika kufuukulapo kwipana ne kubatizhiwa?

1. Ñanyi kintu kyafwainwa kulengela muntu kwipana?

Kutemwa Yehoba ko kwitulengela kufuukulapo kwipana kwi aye. (1 Yoano 4: 10, 19) Baibolo witukambizha’mba: ‘Temwa Yehoba Lesa wobe na muchima wobe yense ne na mweo wobe yense ne na maana obe onse ne na bulume bobe bonse.’ (Mako 12:30) Tumwesha’mba twatemwa Lesa mu bintu byo twamba ne kuba. Byonkatu byuba bantu babiji beipanguzha kechi bapelelatu pa kwitemwa ne, pakuba besongola. Kyo kimotu kutemwa Yehoba kuketulengela kwipana kwi aye ne kufuukulapo kubatizhiwa.

2. Ñanyi mapesho Yehoba o apa Bakamonyi banji babatizhiwa?

Inge mwabatizhiwa, po po mukekala mu kisemi kya bantu ba Yehoba baji na lusekelo. Mukemwena bimutemwa Yehoba mu mashinda apasuna pusana. Kabiji mukafwenya kwipi ne aye kukila ne byo kyajinga kala saka mukyangye kubatizhiwa. (Tangai Malakai 3: 16-18.) Yehoba byo aji Shenu, muji mu kisemi muji balongo ne banyenga mwaya ntanda batemwa Yehoba kabiji bemutemwa. (Tangai Mako 10:29, 30.) Pano bino, kuji bintu bikwabo byo mwafwainwa kuba saka mukyangye kubatizhiwa. Mwafwainwa kufunda pe Yehoba, kumutemwa ne kwitabila mu Mwananji. Kabiji mwafwainwa kwipana kwi Yehoba. Inge mwauba bino byonse ne kubatizhiwa, po po mukekala na bumi bwa myaka ne myaka. Mambo a Lesa aamba’mba: “Lubatizhilo . . . nalo lubena kwimupulusha.”​—1 Petelo 3:21.

FUNJILAIPO BIKWABO

Yukai ene mambo o mwafwainwa kufuukwilapo kwipana kwi Yehoba ne kubatizhiwa.

3. Atweba bonse twafwainwa kusalapo ye twafwainwa kwingijilanga

Mu bena Isalela kala, bantu balangulukanga’mba bafwainwa kupopwela Yehoba akwe saka babena kwingijila lesa wa bubela aye Baela. Pano bino, Yehoba watumine ngauzhi Elaija kuya na kwibakwasha kupimpula ndangulukilo yabo yatama. Tangai 1 Bamfumu 18:21, ne kwisamba buno bwipuzho:

  • Ñanyi kintu kyafuukwilepo kuba bena Isalela?

Byonkatu byaubile bena Isalela, ne atweba twafwainwa kusalapo ye twafwainwa kwingijilanga. Tangai Luka 16:13, ne kwisamba ano mepuzho:

  • Mambo ka o twafwainwa kubujila kwingijila Yehoba akwe saka tubena kwingijila muntu mukwabo nangwa kintu kikwabo?

  • Tumwesha byepi Yehoba kuba’mba twasalapo kumupopwelangatu aye yenka kwapwa?

4. Langulukainga pa bintu byawama bimubila Yehoba

Kipikichala: Mwanamulume ubena kulanguluka pa bintu byamubila Lesa. 1. Nsemi wamukazhi ubena kumwesha byo atemwa mwananji. 2. Kajo kawama, paji kajo kapusana pusana. 3. Baibolo. 4. Kitapisho kya bukuzhi kya Yesu Kilishitu.

Yehoba witupa bintu byavula bingi byawama. Nga atweba ñanyi bintu byo twafwainwa kumupapo? Tambai VIDYO.

VIDYO: Panainga bya Bupe Byenu kwi Lesa (3:04)

Mu ñanyi mashinda Yehoba mo amweshesha’mba wimutemwa? Tangai Salamo 104:14, 15 ne 1 Yoano 4:9, 10, ne kwisamba ano mepuzho:

  • Ñanyi bya bupe bimupa Yehoba byo mwatemwa bingi?

  • Abino bya bupe bimulengela kulangulukapo’mba ka pe Yehoba?

Inge twatambwila kya bupe kyo twatemwa bingi , tubapo bintu bimo ku muntu witupakyo kumwesha’mba twasanta. Tangai Mpitulukilo ya mu Mizhilo 16:17, ne kwisamba buno bwipuzho:

  • Kulanguluka pa bintu byonsetu bimubila Yehoba kwimulengela kukeba kumupa ñanyi bintu?

5. Inge mwipana kwi Yehoba, ukemupesha mu mashinda avula bingi

Bantu bavula balanguluka’mba kuya nkuwa, kwikala na nkito yawama nangwa kwikala na mali ko kwafwainwa kwibalengela kwikala na lusekelo mu bwikalo bwabo. Nanchi kulanguluka bino kwawama nyi? Tambai VIDYO, ne kwisamba ano mepuzho:

VIDYO: Natemenwe Bingi Kupama Mpila (5:45)

Kipikichala: Bintu biji mu vidyo wa kuba’mba ‘Natemenwe Bingi Kupama Mpila.’ 1. Andrey watendeka jibiji kwikala na lufunjisho lwa pa bunke. 2. Andrey ubena kusapwila pamo na mwananji wamukazhi.
  • Nangwa kya kuba muntu ye twatamba mu vidyo watemenwe bingi kupama mpila, mambo ka o afuukwijilepo kuleka?

  • Wasajilepo kwipana kwi Yehoba kechi kupama mpila ne. Nanchi uno muntu wasajilepo kintu kyawama nyi? Mambo ka o mwakumbwila byobyo?

Mutumwa Paulo saka akyangye kwikala mwina Kilishitu, wafunjile kufika palepa bingi. Bamufunjishe mizhilo ya Bayudea ku muntu wayile bingi nkuwa. Nangwa byonkabyo, aye washile bino byonse pa kuba’mba ekale mwina Kilishitu. Nanchi Paulo wilangulwishe pa byo aubile nyi? Tangai Filipai 3:8, ne kwisamba ano mepuzho:

  • Mambo ka Paulo o aambijile’mba bintu byo aubile saka akyangye kwikala mwina Kilishitu ‘byajinga binchatu’ nangwa’mba ndochi?

  • Ñanyi bintu byawama byo amwenejilemo pa kintu kyo aubile?

  • Ñanyi kintu kyafwainwa kwimukwasha kwikala bulongo, kwingijila Yehoba inyi, inyi kuba bintu bikwabo mu bwikalo bwenu?

Kipikichala: 1. Mufaliseo aye Saulo wimonanga koloka. Pa kupitapo kimye batendekele kumutela’mba Paulo. 2. Mutumwa wa kishinka aye Paulo wanembejile bena Kilishitu bakwabo nkalata.

Paulo wamwenejilemo bintu byavula bingi byo aikele mwina Kilishitu kukila bintu byo asankijilepo

BANTU BAMO BAMBA’MBA: “Nayuka’mba buno bo bukine, pano bino nkyangye kufikilamo kuba’mba mbatizhiwe.”

  • Mambo ka o kyawamina kwipana kwi Yehoba?

ÑANYI BISHINKA BYO MWAFUNDA?

Butemwe bo bwitulengela kufuukulapo kwipana kwi Yehoba ne kubatizhiwa.

Mepuzho a kupitulukamo

  • Mambo ka o twafwainwa kutemenwa Yehoba na muchima yense ne kumupopwelangatu aye yenka kwapwa?

  • Yehoba ufweta byepi Bakamonyi banji babatizhiwa?

  • Nanchi mukeba kwipana kwi Yehoba nyi?

Ubai bino

KEBAI BISHINKA BIKWABO

Monai kintu kyakwashishe mwanamukazhi umo wajinga nyimbi ne mwanamulume umo wapamanga mpila kusalapo kwipana kwi Yehoba.

Inge Navuluka byo Napitamo (6:54)

Monai bintu bikwabo byafwainwa kwimukwasha kwipana kwi Yehoba.

“Mambo ka a Kwipaina kwi Yehoba?” (Kyamba kya Usopa, January 15, 2010)

Mu uno vidyo wa nyimbo, monai lusekelo luji na bantu bepana kwingijila Yehoba.

Nepana kwi Anweba (4:30)

Monai byalengejile mwanamukazhi umo kulangulukapo bulongo pa bintu byanemesha ye baambapo mu jishimikila ja kuba’mba “Pa Myaka Yavula Nazhinaukilenga Bingi, Mambo ka o Twaikelako?’”

“Baibolo Upimpula Bwikalo bwa Bantu” (Kyamba kya Usopa, November 1, 2012)

    Mabuku a mu Kikaonde (1992-2025)
    Shinkai
    Shinkulai
    • Kikaonde
    • Tuminaiko Bakwenu
    • Byo Mukeba
    • Copyright © 2025 Watch Tower Bible and Tract Society of Pennsylvania
    • Terms of Use
    • Privacy Policy
    • Privacy Settings
    • JW.ORG
    • Shinkulai
    Tuminaiko Bakwenu