MEPUZHO A MU BAIBOLO AKUMBULWA

Mambo ka Yesu o atelelwa’mba Mwana Lesa?

Lesa kechi uji na mukazhi mo asemejile mwana ne. Ye Mulenga wa bintu byonse. Bantu balengelwe mu jishinda ja kuba’mba bakamweshenga byubilo bya Lesa. O ene mambo muntu mutanshi Lesa ye alengele, aye Adama o atelelwa’mba “mwana Lesa.” Kyo kimotu ne Yesu naye utelwa’mba “Mwana Lesa” mambo bamulengele na byubilo nabiji bya Shanji.—Tangai Luka 3:38; Yoano 1:14, 49.

Ñanyi kimye Yesu kyo alengelwe?

Lesa walengele Yesu saka akyangye kulenga Adama. Lesa walengele Yesu, kabiji wabwela ke amwingijishe kulenga bintu bikwabo, kuvwangakotu ne bamalaika. O ene mambo Baibolo o imutelela Yesu amba “mubeji wa pa bilengwa byonse” wa kwa Lesa.—Tangai Kolose 1:15, 16.

Yesu wajinga kilengwa kya mupashi mwiulu, saka akyangye kusemwa mu Betelema. Kimye byo kyafikile, Lesa wavilwijile bumi bwa kwa Yesu mu jivumo ja kwa Maliya kufuma mwiulu pa kuba’mba akasemwe mu bumuntu.—Tangai Luka 1:30-32; Yoano 6:38; 8:23.

Mambo ka Lesa kyo akebejilenga kuba’mba Yesu asemwe pano pa ntanda mu bumuntu? Yesu waingijile ñanyi mwingilo wanema? Mwakonsha kutana mikumbu ya ano mepuzho mu Baibolo, kabiji isa kwimulengela kumvwisha ne kusanchila Lesa ne Yesu pa byo bauba.

Umvwe mukeba kuyukilapo byavula, monai kitango 4 mu uno buku ya Nanchi Baibolo Kine Ufunjisha’mba ka? wanembwa na Bakamonyi ba kwa Yehoba

[Kipikichala pa peja 16]

Yesu wajinga kilengwa kya mupashi mwiulu, saka akyangye kusemwa mu Betelema