MUTWE WA PA NKUPIKO: ÑANYI BYAMBO BYANEMBWA MU BAIBOLO?

Mambo ka o Mwafwainwa Kutemenwa Baibolo?

Baibolo ke buku wayukanyikwa bingi mwaya ntanda yonse. Mambo ka? Wapeela bingi kumuyuka. Muji mashimikila a bantu bakine ne byajinga bwikalo bwabo ne Lesa. Ano mashimikila muji mafunjisho anema ne byambo byo baingijisha byapeela kumvwa kabiji byatuntululwa mu milaka yavula. Kabiji mafunde aji mu Baibolo akwasha bantu.

Ne kyakilapo kunema, Baibolo kechi buku wambatu pe Lesa ne, bino ke buku wafuma kwi Lesa. Usolola jizhina ja Lesa, byubilo byo aji nabyo ne nkebelo yanji ibula kwaluka ya kulenga ntanda ne bantu. Baibolo wamba ne pa jishimikila jakala jaamba pa bintu byawama ne byatama ne jaamba pa bintu byawama bikoba Lesa. Pa kuba’mba twikale na lwitabilo ne luketekelo kechi twafwainwa kutanganga Baibolo na mulanguluko wa kuba’mba bijimo byatutu ne.

Kafwako mabuku akwabo aamba pa bintu byanembwa mu Baibolo ne. Kyakumwenako, Baibolo witubula bukine pa mitwe nabiji ino:

▪ Mambo ene o tuyanjila ne byo twalengelwe

▪ Byaubile Lesa pa kuba’mba akuule bantu

▪ Bintu bitubila Yesu

▪ Bikekala ntanda ne bantu kulutwe

Tangai ino mitwe yalondelaepo pa kuba’mba muyuke byaamba Baibolo

[Kitenguluzha pa peja 3]

BISHINKA BYAAMBA PA BAIBOLO

Kishina: Bufumu bwa Lesa bwa mwiulu byo bukaleta bololoke ne mutende pa ntanda

Bijimo: Mabuku a Kihebelu 39 (ne mashimikila amo a mu Kialamaika) ne akwabo 27 mu Kingiliki

Byo yanembelwe: Na banembi 40 kukila pa myaka 1,600 kufuma mu 1513 B.C.E. kufika nobe mu 98 C.E.

Milaka: Pa kino kimye yatuntululwa yonse nangwa lubaji lumo kukila pa milaka 2,500