Bantu bakalondelanga mizhilo ya Lesa mu moba a kupelako bo bakekala mu Paladisa
Nanchi Baibolo Waamba’mba Ka?
Nanchi tubena kwikala mu “moba a kupelako” nyi?
Mwakonsha kukumbula amba ka?
Ee
Ine
Kampe
Byamba Baibolo
Baibolo waamba’mba: “Mu moba a kupelako kukeya bimye byakatazha.” (2 Timoti 3:1) Bungauzhi bwa mu Baibolo ne bintu bibena kumweka bibena kumwesha patoka’mba, tuji mu “moba a kupelako.”
Ñanyi Bintu Bikwabo byo Tufunda mu Baibolo?
Mu moba a kupelako, kukekala makondo, bipowe bya nzala, bitentanshi kuku ne kuku ne myalo.—Mateo 24:3, 7; Luka 21:11.
Mu moba a kupelako, bantu bakobanga bingi bintu byatama.—2 Timoti 3:2-5.
Ñanyi bintu byawama bikeyowanga bantu kulutwe?
Bantu bamo baitabila kuba’mba . . . moba a kupelako akapwa kimye malwa akatampe kyo akonauna ntanda ne bantu bonse, kabiji bakwabo baitabila kuba’mba bintu bikawama. Mwalangulukapo amba ka?
Byamba Baibolo
“Baoloka bakaswana ntanda, kabiji bakekalangamo myaka ne myaka.”—Salamo 37:29.
Ñanyi Bintu Bikwabo byo Tufunda mu Baibolo?
Moba a kupelako akapwa kimye kyo bakafumyapo bundengamambo bonse.—1 Yoano 2:17.
Ntanda ikekala ke Paladisa.—Isaya 35:1, 6.