Ubena kufunjisha muntu Baibolo mu Chile
Mashinda a Kwisambilamo
LABAINGA!
Bwipuzho: Bantu bavula kechi bakeba kukolwa ne. Mwalanguluka’mba twakonsha kuba byepi pa kuba’mba twizhikijile ku bikola?
Kinembelo: Man 22:3
Mupai: Uno Labainga! walumbulula bulongo mashinda o twakonsha kwizhikijilamo ku bikola.
FUNJISHAI BUKINE
Bwipuzho: Nanchi Lesa ye ulengela buyanji nyi, inyi kuji muntu mukwabo?
Kinembelo: Yob 34:10
Bukine: Lesa kechi ye ulengela buyanji ne. Ulengela buyanji ke Diabola, bantu bene kubula kufuukula bulongo bintu, kuvwangakotu ne kutanwa pa mapunzha atama pa kimye kyabula kufwainwa. Inge makatazho etufikila, Lesa uketukwasha, mambo wituta bingi muchima.
MAMBO KA A KUFUNJILA BAIBOLO? (Vidyo)
Bwipuzho: Nanchi mulanguluka’mba Lesa ye ubena kulama ino ntanda nyi? [Lekai akumbule.] Mwakonsha kukumya bingi pa byaamba Baibolo kabiji uno vidyo mwipi walumbulula bingi bulongo. [Tambishai vidyo.]
Mupai: Kitango 11 kya uno buku kyalumbulula ene mambo Lesa o aswishisha buyanji ne byo akebupwisha. [Mupai buku wa Nanchi Baibolo Waamba’mba Ka?]
NENGEZHAI JISHINDA JENU JA KWISAMBILAMO
Pa kunengezha bya kwisamba na bantu mu mwingilo, londelai jishinda ja kwisambilamo jiji mu Kabuku ka Kupwila.