Aw fɔ Yuz Dis Buk?

Insay di pej dɛn we de afta dis, yu go si se dɛn gɛt skripchɔ fɔ ɛnide ɛn kɔmɛnt dɛn we de tɔk bɔt da patikyula skripchɔ de. Pan ɔl we i nɔ mata ustɛm wi rid di tɛks ɛn kɔmɛnt fɔ di de, bɔku pipul dɛn dɔn si se i kin bɛtɛ fɔ rid am na mɔnin. Dɔn, dɛn kin tink bɔt wetin dɛn dɔn rid te di de dɔn. I go rili fayn mek ɔlman na di famili du am togɛda. Di wan dɛn we de na di difrɛn Bɛtɛl dɛn na di wɔl, kin du am na mɔnin.

Di kɔmɛnt dɛn kɔmɔt frɔm di Wachtawa (w) magazin dɛn frɔm Epril 2020 to Mach 2021. Di nɔmba dɛn we de afta di det na di Wachtawa de sho di pej nɔmba insay di atikul. Dɔn di ɔda nɔmba we de nia de de sho di paregraf usay di kɔmɛnt kɔmɔt. (Luk di ɛgzampul we de dɔŋ.) If yu want fɔ no mɔ bɔt wetin di tɛks de tɔk bɔt, yu kin rid di atikul usay di kɔmɛnt kɔmɔt.