Lɛ Wi Tray fɔ Du Dis we Wi De Prich—Aw fɔ Ansa Pipul dɛn We Nɔ Want fɔ Mek Wi Prich to Dɛn

Wetin mek i Impɔtant: Lɛ wi se, yu no fɔ se bad bad tin gɛt fɔ apin, ɛn pipul dɛn go day if dɛn nɔ kɔmɔt na di eria. So yu go to yu neba fɔ go tɛl am bɔt dis bad tin, bɔt i nɔ gri fɔ lisin. I tɛl yu se i bizi. Yu nɔ go jɔs tɔn yu bak ɛn go, yu go mɔs du ɔl wetin yu ebul du fɔ ɛp am! Semweso, bɔku pipul dɛn nɔ kin want fɔ lisin to wi, bikɔs dɛn nɔ no se na mɛsej we go sev dɛn layf wi kɛr go to dɛn. Sɔntɛm, dɛn de du sɔntin di tɛm we wi go prich to dɛn. (Mat. 24:37-39) Ɔ sɔntɛm dɛn go dɔn tɛl dɛn bad bad tin dɛn bɔt wi. (Mat. 11:18, 19) Dɛn go de tink se wi ɛn dɛn lay lay rilijɔn dɛn na di sem. (2 Pit. 2:1, 2) If di fɔs tɛm we wi mit di pɔsin, i nɔ want fɔ lisin to wi, wi nɔ fɔ taya pan am.