‘Abop pan Jiova wit Ɔl Yu At’

I rili fit fɔ mek wi abop pan Jiova wit ɔl wi at. Di minin we in nem gɛt de mek wi abop pan am fɔ se i ebul fɔ du ɔl di tin dɛn we i dɔn prɔmis. Prea na impɔtant tin we go ɛp wi fɔ abop pan Jiova. Prɔvabs chapta 3 mek wi biliv se Jiova go blɛs wi if abop pan am bay we i “go mek [wi] si wi we klia” wan.

Pɔsin we fil se i sabi ɔltin . . .

3:​5-7

• kin dɔn disayd fɔ du sɔntin bifo i aks Jiova fɔ ɛp am

• kin abop pan di we aw i de tink ɔ di we aw pipul dɛn na di wɔl de tink

Pɔsin we de abop pan Jiova . . .

• kin tray tranga wan fɔ gɛt tayt padi biznɛs wit Jiova bay we i de rid di Baybul, tink bɔt wetin i dɔn rid, ɛn bay we i de pre

• kin want fɔ mek Jiova gayd am bay we i de fala di advays dɛn we de na di Baybul we i want fɔ disayd fɔ du sɔntin