“Anawns Se dis na di Ia fɔ [Jiova] in Fevɔ”

“Di Ia fɔ [Jiova] in Fevɔ” Nɔto di Ia we dɛn De Kɔnt

61:​1, 2

• Na tɛm we Jiova de gi di wan dɛn we ɔmbul di chans fɔ mek dɛn lisin to wetin i de tɛl dɛn we go mek dɛn gɛt fridɔm

• Insay di fɔstɛm Kristian dɛn tɛm, Jiova in ia fɔ fevɔ bin bigin we Jizɔs bin bigin in prichin wok insay di ia 29 ɛn i bin las te di tɛm we Jiova bin “rivɛnj” we dɛn bin pwɛl Jerusɛlɛm insay di ia 70

• Insay wi yon tɛm, Jiova in ia fɔ fevɔ bin bigin di tɛm we Jizɔs bi kiŋ na ɛvin insay di ia 1914 ɛn ɔltin go dɔn di tɛm we di gret tribyuleshɔn go kam

Jiova de blɛs in savant dɛn wit pipul dɛn we fiba lɛk big ‘kɔtintri we de waka tret na in yay’

61:​3, 4

• Big big tik dɛn na di wɔl kin gro togɛda na fɔrɛst, usay di tik dɛn we de de kin sɔpɔt dɛnsɛf

• Di big big rut dɛn we dɛn gɛt we kin jɔyn togɛda, kin mek di tik tinap tranga wan ɛn i kin mek big big briz nɔ ebul ib dɛn dɔŋ

• Big tik dɛn kin gi shed we de protɛkt di smɔl smɔl tik dɛn, ɛn di lif dɛn we kin fɔdɔm frɔm di tik dɛn de mek di dɔti rili fayn

Ɔl di wan dɛn we de na di kɔngrigeshɔn dɛn we de ɔlsay na di wɔl de bɛnifit frɔm di sɔpɔt ɛn di protɛkt we di anɔytɛd dɛn de protɛkt dɛn. Ɛn dɛn anɔytɛd dɛn ya fiba lɛk pipul dɛn we tan lɛk big ‘kɔtintri we de waka tret’ na Gɔd in yay.