Tek Tɛm Yuz di Buk dɛn we De Tɔk bɔt di Baybul

Jizɔs bin tich se: “Una nɔ pe fɔ wetin una gɛt, so una nɔ fɔ mek pipul pe una fɔ wetin una de gi dɛn.” (Mat. 10:​8) Wi de fala wetin di Baybul se bay we wi nɔ de sɛl wi Baybul ɔ wi buk ɛn magazin dɛn. (2 Kɔr. 2:​17) Bɔt, dɛn buk ɛn magazin dɛn ya gɛt valyu we na di tru tin bɔt Gɔd in Wɔd. Pipul dɛn de wok tranga wan ɛn de spɛn bɔku mɔni fɔ print di buk ɛn magazin dɛn ɛn fɔ mek dɛn rich na di kɔngrigeshɔn dɛn ɔlsay na di wɔl. So, na wetin wi nid nɔmɔ wi fɔ tek.

Tink gud wan we yu de gi buk ɛn magazin dɛn to pipul dɛn, ivin we yu de du pɔblik witnɛs wit kat ɔ tebul. (Mat. 7:​6) Bifo yu gi pipul dɛn we de pas na trit, tray fɔ tɔk wit dɛn fɔ no if dɛn rili want fɔ no mɔ. Yu go ebul ansa lɛk wan kwɛstyɔn so na di bɔks insay dis atikul? If yu nɔ ebul no if di pɔsin rili want fɔ no mɔ, i kin bɛtɛ fɔ jɔs gi am trakt. Bɔt, if di pɔsin aks fɔ magazin ɔ ɔda buk we wi gɛt, wi kin gladi fɔ am.—Prɔ. 3:​27, 28.