Fɔ Fil lɛk se Na Yu Wangren De Tan lɛk Siknɛs—Aw Yu Go Bia wit Am?

• “Na lɛk af pan di big pipul dɛn we de na Amɛrika tɔk se dɛn kin fil se na dɛn wangren de ɛn na di yɔŋ wan dɛn mɔ kin fil dis we.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “Di World Health Organization bin anawns se dɛn dɔn pik sɔm pipul dɛn we dɛn wok na fɔ mɛn ɔ du risach bɔt wan siriɔs sik we de prɛd, we na fɔ fil lɛk se na yu wangren de. Dɛn gɛt di wok bak fɔ ɛnkɔrej pipul dɛn fɔ pe atɛnshɔn mɔ fɔ mek padi wit ɔda pipul dɛn, ɛn fɔ fɛn mɔ fayn we dɛn fɔ mɛn di sik we na fɔ fil lɛk se na yu wangren de, na ɔl di kɔntri dɛn ilɛksɛf di kɔntri po.”​—World Health Organization, Novɛmba 15, 2023.

Di Baybul gɛt fayn advays dɛn we go ɛp wi fɔ gɛt tayt padi biznɛs wit ɔda pipul dɛn, ɛn dis go ɛp wi fɔ mek wi nɔ fil lɛk se na wi wangren de.

Baybul prinsipul dɛn we kin ɛp wi

Ridyus fɔ de du tin dɛn we go mek yu nɔ de wit ɔda pipul dɛn. Tin dɛn lɛk fɔ de spɛn bɔku tɛm na soshal midia. Bɔt na fɔ luk fɔ we dɛn fɔ spɛn tɛm wit ɔda pipul dɛn bikɔs dis go mek yu gɛt tru tru padi dɛn.

• Baybul prinsipul: “Tru tru padi de sho lɔv ɔltɛm, ɛn na brɔda we dɛn bɔn fɔ di tɛm we prɔblɛm go kam.”​—Prɔvabs 17:​17.

Luk fɔ we dɛn fɔ ɛp ɔda pipul dɛn. We wi de du gud tin dɛn fɔ ɔda pipul dɛn, dat nɔ jɔs de mek wi gɛt tayt padi biznɛs wit dɛn, bɔt i de mek wi gladi mɔ ɛn mɔ.

• Baybul prinsipul: “We pɔsin gi, i de gladi mɔ pas we dɛn gi am.”​—Akt 20:​35.

Chɛk wi wɛbsayt fɔ mɔ tin dɛn frɔm di Baybul we go ɛp yu fɔ no aw fɔ gɛt gud padi dɛn.