Wetin Di Baybul Se?
Na mɔtalman mek rilijɔn?
SƆM PIPUL DƐN BILIV SE: na mɔtalman mek rilijɔn; ɔda wan dɛn tink se Gɔd de yuz rilijɔn fɔ ɛp pipul dɛn fɔ kam nia am. Wetin yu tink?
WETIN DI BAYBUL SE?
Rilijɔn de we “klin ɛn we nɔ kɔrɔpt.” Klin ɔ tru rilijɔn kɔmɔt frɔm Gɔd.
WETIN BAK WI LAN FRƆM DI BAYBUL
Fɔ mek Gɔd gladi, rilijɔn fɔ biliv di tru tin dɛn we de insay di Baybul.—Jɔn 4:23, 24.
Rilijɔn dɛn we dɛn de du tin we mɔtalman de tink na fɔ natin.—Mak 7:7, 8.
I fayn fɔ de na rilijɔn?
WETIN YU GO SE?
Yɛs
Nɔ
Sɔntɛm
WETIN DI BAYBUL SE?
“Una lɛ wi tink aw wi go ɛp wisɛf mek wi go lɛk wi kɔmpin dɛn ɛn du gud to dɛn. Una lɛ wi nɔ tap fɔ de mit.” (Di Ibru Pipul Dɛn 10:24, 25) Gɔd want di wan dɛn we de wɔship am fɔ ɔganayz dɛnsɛf as wan grup.
WETIN BAK WI LAN FRƆM DI BAYBUL
Di wan dɛn we de wɔship Gɔd togɛda fɔ biliv di sem tin.—Fɔs Lɛta Fɔ Kɔrint 1:10, 11.
Di wan dɛn we de na di rilijɔn we Gɔd want gɛt brɔda ɛn sista dɛn ɔlsay na di wɔl.—Pita In Fɔs Lɛta 2:17.