Wi Go Bigin fɔ Invayt Pipul dɛn fɔ Kam di Mɛmorial Mach 22

Dis ia, wi go stat fɔ invayt pipul dɛn fɔ kam di Mɛmorial, Satide, Mach 22. I go fayn fɔ mek ɔlman na di kɔngrigeshɔn tek pat pan dis prichin wok. Insay di wikɛnd dɛn, wi go de gi di magazin dɛn bak. Insay di fɔs Satide ɛvri mɔnt, wi kin tray fɔ stat Baybul stɔdi, but di fɔs Satide insay Epril, wi go want fɔ yuz am fɔ invayt pipul dɛn fɔ kam di Mɛmorial. Bɔt if wi mitɔp pɔsin we rili want fɔ no mɔ bɔt di Baybul, wi fɔ stil tray fɔ stat Baybul stɔdi wit am. Di savis ovasia go tɛl wi if wi fɔ yuz di inviteshɔn we wi de du pɔblik prichin, if dat go mek wi ebul invayt mɔ pipul dɛn na di Mɛmorial. If yu want fɔ invayt yu fambul, wokmet, skulmet, di wan dɛn we yu bin dɔn prich to ɛn ɔda pipul dɛn, fɔ kam di Mɛmorial, na fɔ rayt dɛn nem dɛn naw so dat yu go gi dɛn di inviteshɔn dɛn we wi stat fɔ gi. Wi op se bɔku pipul dɛn go jɔyn wi fɔ mɛmba di tu pipul dɛn we dɔn sho se dɛn rili lɛk wi.—Jɔn 3:16; 15:13.