“Di We we Una Liv wit Dɛn Pipul we Nɔ No Gɔd fɔ Fayn”

1. Wetin mek i impɔtant fɔ mek wi biev fayn na di kɔnvɛnshɔn?

¹ Pipul dɛn kin admaya wi ɛni ia we wi kin gɛt wi kɔnvɛnshɔn dɛn, so dat fɔ mek di we aw wi de biev fɔ tɛl pipul dɛn bɔt di Gɔd we wi de wɔship. (Lɛv. 20:26) We wi biev ɛn drɛs fayn, dat de sho klia wan se wi na Jizɔs in disaypul dɛn. As wi kɔnvɛnshɔn dɛn de kam nia, aw wi go biev fayn ɛn gi prez to wi papa na ɛvin?—1 Pit. 2:12.

2. Us chans wi gɛt fɔ biev lɛk Kristian na di kɔnvɛnshɔn? Us advays de fɔ mama ɛn papa dɛn?

² Biev Lɛk Kristian: Di we aw wi de sho lɔv to wi brɔda ɛn sista dɛn, ɛn di we aw wi de dil wit “pipul we nɔ biliv pan Krays” difrɛn frɔm di we aw pipul dɛn ɔlsay na di wɔl de biev. (Kɔl. 3:10; 4:5; 2 Tim. 3:1-5) Mama ɛn papa dɛn fɔ de wach dɛn pikin dɛn na di kɔnvɛnshɔn.

3. We wi de na di say we wi kɔnvɛnshɔn de, wetin wi fɔ mɛmba bɔt di we aw wi de drɛs?

³ Tek Tɛm Drɛs: Wi fɔ tek tɛm drɛs fɔ go di kɔnvɛnshɔn. Di we aw wi fɔ drɛs nɔ fɔ fiba di bad we aw pipul dɛn de drɛs na di wɔl. (1 Tim. 2:9) Dat go mek wi gladi fɔ wɛr wi kɔnvɛnshɔn baj ɛn nɔ shem fɔ prich we wi gɛt di chans. We wi drɛs ɛn biev fayn na wi kɔnvɛnshɔn, dat nɔ go jɔs mek pipul dɛn we want fɔ no mɔ bɔt di Baybul admaya wi, bɔt i go mek Jiova gladi.—Zɛf. 3:17.