Lɛ Wi Tray fɔ Du Dis we Wi De Prich—Aks Kwɛstyɔn we Una Go Tɔk bɔt we Yu Go Bak

Wetin Mek Dis Impɔtant: We wi mit pɔsin we want fɔ no mɔ, i go fayn fɔ mek wi go bak di tɛm wi i de na os. We wi du dis, i go jɔs tan lɛk se wi de wata di sid we wi bin dɔn plant na in at. (1 Kɔr. 3:6) So bifo wi kɔmɔt na di pɔsin in os, wi fɔ aks am kwɛstyɔn we wi go tɔk bɔt ɔda tɛm. Dɔn aks am ustɛm i go want mek yu kam bak. Dis go mek di pɔsin de tink bɔt yu kam wan ɛn i go rili want mek yu kam bak. If di ansa fɔ di kwɛstyɔn de insay di buk ɔ magazin we yu lɛf gi am, i go mɔs rid am. We wi aks di pɔsin kwɛstyɔn we wi go tɔk bɔt nɛks tɛm, dat go mek i izi fɔ kam bak bikɔs wi bin dɔn pik di tɔpik ɛn di pɔsin dɔn no wetin wi gɛt fɔ tɔk bɔt. We wi go bak to di pɔsin, wi kin ɛksplen se wi kam fɔ ansa di kwɛstyɔn we wi bin aks am di las tɛm we wi bin kam to am. Dɔn wi kin kɔntinyu fɔ tɔk to am.