Lɛ Wi Tray fɔ Du Dis We Wi De Prich—Du Ritɔn Visit

WETIN MEK I IMPƆTANT? Bɔku pipul dɛn we de sho se dɛn want fɔ no mɔ bɔt di Kiŋdɔm mɛsej, na pipul dɛn we want fɔ no di tru bɔt Gɔd. (Ayz 55:​6) Fɔ mek wi go ebul fɔ tich dɛn smɔl smɔl wi fɔ kɔntinyu fɔ go to dɛn. Pipul dɛn kin gɛt difrɛn tin dɛn we kin mɔna dɛn, so di we aw wi de sho se wi bisin bɔt dɛn kin difrɛn. Bɔt wi go ebul fɔ du ritɔn visit fayn fayn wan if wi pripia ɛn gɛt sɔntin we wi plan fɔ du ɛnitɛm wi go to di pɔsin. Di men tin we wi want fɔ du, na fɔ stat Baybul stɔdi.

AW FƆ DU AM?

• Tray fɔ go de kwik, sɔntɛm insay tu ɔ tri dez.—Mat 13:​19

• Tɔk to di pɔsin lɛk padi ɛn sho se yu rɛspɛkt am. Tray fɔ rilaks

• Grit di pɔsin fayn. Kɔl di pɔsin in nem. Mɛmba di pɔsin wetin mek yu kam bak; sɔntɛm fɔ ansa wan kwɛstyɔn, fɔ gi am di nyu magazin, fɔ sho am wi Wɛbsayt, fɔ ple wan fim fɔ am, ɔ fɔ sho aw wi kin stɔdi pipul dɛn di Baybul. Ajɔst wetin yu plan fɔ tɔk if di pɔsin sho se i want fɔ no mɔ bɔt ɔda tɔpik.—Fil 2:​4

• Wata di sid bɔt di tru we de na di pɔsin in at bay we yu rid Skripchɔ to am ɛn sɔntɛm lɛf sɔntin fɔ am fɔ rid. (1Kɔ 3:​6) Tray fɔ yus to di pɔsin

• Aks kwɛstyɔn we una go tɔk bɔt nɛks tɛm