Yuz jw.org we Yu De Prich

Wi Wɛbsayt na impɔtant tin we de ɛp wi fɔ prich di gud nyus “ɔlɔbɔt na [di] wɔl.” (Di Apɔsul Dɛn Wok [Akt] 1:8) Bɔku pipul dɛn we wi kin prich to, nɔ kin ebul fɛn jw.org fɔ dɛnsɛf, pas afta wan pɔblisha sho dɛn aw fɔ fɛn am.

Wan sakit ovasia dɔn dawnlod di vidio we nem Wetin Mek I Fayn fɔ Stɔdi di Baybul? na in fon ɛn i kin yuz am ɛnitɛm we i gɛt chans. Fɔ ɛgzampul, we i de prich frɔm os to os, i kin se: “A kam fɔ ɛp pipul dɛn fɔ gɛt di ansa to tri impɔtant kwɛstyɔn dɛn: Wetin mek prɔblɛm dɛn bɔku na di wɔl? Aw Gɔd go sɔlv di prɔblɛm dɛn? Aw wi go ebul fɔ bia wit di prɔblɛm dɛn rayt naw? Dis shɔt fim de tɔk bɔt di ansa to dɛn kwɛstyɔn ya.” I kin prɛs di ple bɔtin, dɔn i kin luk aw di pɔsin de mek we i de wach di fim. Di vidio so fayn dat bɔku pipul dɛn nɔ kin pul dɛn yay na di skrin te di fim dɔn. Dɔn di sakit ovasia kin tɔk se: “Yu jɔs dɔn yɛri se yu kin aks na di intanɛt fɔ mek pɔsin kam stɔdi yu di Baybul. Ɛnti a de naw, a go sho yu kwik wan aw wi kin du am.” If di pɔsin gri, i kin sho am aw wi kin stɔdi pɔsin di Gud Nyus buk. If di pɔsin nɔ gɛt chans i kin arenj fɔ kam bak. We i kin go na kɔfi shɔp fɔ blo smɔl, i kin tɔk di sem tin to pɔsin we sidɔm nia am afta i go dɔn bigin fɔ tɔk fayn to am. Yu de yuz jw.org fɔ prich?