Yuz di Say Na Wi Wɛbsayt we Tɔk bɔt di Baybul in Ansa to Sɔm Kwɛstyɔn Dɛn

Wan sɛkshɔn na jw.org we dɛn kɔl “Bible Teachings” gɛt wan say ɔnda de we nem “Bible Questions Answered.” If wi sabi dɛn kwɛstyɔn ya we dɛn kin aks fast fast, wi kin sho di pɔsin we wi de prich to wi Wɛbsayt fɔ mek i fɛn di Baybul in ansa. Wi kin yuz dɛn kwɛstyɔn ya bak fɔ stat fɔ prich to pɔsin. Wi kin pik wan kwɛstyɔn we bɔku pipul dɛn na di eria usay wi de prich rili want fɔ no mɔ bɔt ɛn aks di pɔsin wetin i tink bɔt dat. Dɔn, yuz wetin de na jw.org fɔ sho am wetin di Baybul se. Afta dat wi kin ɛksplen ɔ sho am usay wi pul di ansa. Ɔda tin we wi kin du, na fɔ mek insɛf rid di ansa frɔm di Wɛbsayt. Wan travlin ovasia in wɛf dɔn ebul du dis. I kin se: “Bɔku pipul dɛn de wɔnda ‘If na Gɔd de mek wi de sɔfa?’ Yu go want fɔ sabi di ansa? I nɔ go ivin rich wan minit!” I kin ple di ansa we i dɔn dawnlod na in fon. Bifo i dɔn fɔ tɔk, i kin sho di pɔsin chapta 11 na di Baybul Tich buk.