Lɛ Wi Tray fɔ Du Dis we Wi De Prich—Sho Se Yu Rili Bisin bɔt Pipul Dɛn

Wetin Mek i Impɔtant? Jizɔs bin no se ɔlman difrɛn ɛn i bin de sho se i bisin bɔt pipul dɛn. Fɔ ɛgzampul, wan tɛm Jizɔs bin si se wan man we dɛf bin de shem, so i kɛr am go na say we pipul dɛn nɔ de wach fɔ mɛn am. (Mak 7:31-35) I bin sho se i bisin bɔt in disaypul dɛn bay we i nɔ bin de tich dɛn bɔku tin wantɛm wantɛm bikɔs i bin no se dɛn nɔ go mɛmba ɔltin. (Jɔn 16:12) Ivin we i de na ɛvin, Jizɔs de sho se i bisin bɔt pipul dɛn. (2 Tim. 4:17) Wi fɔ falamakata am. (1 Pit. 2:21; 1 Jɔn 3:16, 18) Wi go ebul fɔ prich fayn if wi sho se wi bisin bɔt di pɔsin we wi de prich to, tray fɔ no wetin de apin to am, di tin dɛn we i lɛk, ɛn di tin dɛn we de mɔna am. Di pɔsin go lisin to wi mɔ if i si se wi rili bisin bɔt am, ɛn wi nɔ jɔs go de fɔ tɛl am sɔntin ɔ fɔ go lɛf buk ɔ magazin gi am.