We dɛn fɔ Yuz JW Laybri

FƆ STƆDI:

• Rid di Baybul ɛn di deli tɛks

• Rid di Yearbook, magazin dɛn, ɛn ɔda buk dɛn. Yuz di bookmark feature

• Pripia fɔ di mitin dɛn, ɛn ɔndalayn di ansa dɛn

• Wach fim dɛn

WE YU DE NA MITIN:

• Rid skripchɔ dɛn we di spika tɔk bɔt. Yuz di say we de fɔ no usay-ɛn-usay yu bin dɔn go fɔ go bak to di skripchɔ

• Bifo yu go wit bɔku bɔku buk ɛn magazin dɛn na mitin, na fɔ yuz yu fon ɔ tablɛt we yu de na mitin ɛn yu kin yuz am bak fɔ siŋ, di siŋ dɛn. JW Laybri gɛt di nyu siŋ dɛn we dɛn nɔ ad yet na di siŋbuk

WE YU DE PRICH:

• Sho sɔntin to pɔsin we want fɔ no mɔ frɔm di JW Laybri, ɛn ɛp am fɔ dawnlod di ap, buk ɛn magazin dɛn na in fon ɔ tablɛt

• Yuz di say we go mek am izi fɔ fɛn vas dɛn na di Baybul. If sɔm wɔd dɛn nɔ de na di nyu New World Translation, na fɔ go na di Reference Bible ɛn luk de bak

• Ple fim. If di pɔsin we yu de prich to gɛt pikin dɛn, yu kin ple wan pan di Bi Jiova in Padi fim dɛn. Ɔ yu kin ple di fim we gɛt di taytul Wetin Mek I Fayn fɔ Stɔdi di Baybul? fɔ mek di pɔsin rili want fɔ stɔdi di Baybul. If yu prich to pɔsin we de tɔk ɔda langwej na fɔ ple fim we de insay di langwej we i de tɔk

• Sho di pɔsin skripchɔ we dɛn bin dɔn translet insay ɔda langwej we yu bin dɔn dawnlod. Go to di skripchɔ, tɔch di nɔmba we de nia di vas ɛn tɔch di ɔda skripchɔ we dɛn dɔn translet