Aw fɔ Gi Fayn Kɔmɛnt?

We yu gi fayn kɔmɛnt dat kin ɛp ɔda pipul dɛn na di kɔngrigeshɔn. (Rom 14:​19) Di wan dɛn we kin gi fayn kɔmɛnt kin bɛnifit bak. (Prɔ. 15:​23, 28) So i go fayn fɔ mek wi tray tranga wan fɔ gi wan kɔmɛnt pan ɛni mitin we wi gɛt. Dat nɔ min se dɛn go kɔl wi ɛnitɛm we wi es wi an ɔp fɔ gi kɔmɛnt. So i go fayn fɔ mek wi pripia bɔku kɔmɛnt dɛn.

Fayn Kɔmɛnt . . .

• kin simpul, klia, ɛn shɔt. Bɔku tɛm, i nɔ fɔ pas 30 sɛkɔn

• kin fayn we yu tɔk am yu yon we

• nɔ fɔ bi wetin ɔda pipul dɛn bin dɔn tɔk

If na yu fɔs dɛn kɔl, . . .

• na fɔ gi simpul ɛn klia ansa to di kwɛstyɔn we dɛn aks

If dɛn bin dɔn ansa di kwɛstyɔn, yu fɔ . . .

• tɔk bɔt aw di skripchɔ we dɛn kot na di paregraf gɛt sɔntin fɔ du wit wetin wi de tɔk bɔt

• tɔk bɔt aw di tin dɛn we wi de tɔk bɔt de afɛkt wi

• tɔk bɔt aw wi go falamakata wetin di atikul de tɔk bɔt

• tɔk smɔl bɔt wan ɛgzampul we de sho wan men pɔynt