What Can the Bible Teach Us?—Aw fɔ Yuz Am?

Di Teach Us buk fiba di Baybul Tich buk. Dɛn tu buk dɛn ya we wi de yuz fɔ tich we de na di tin dɛn fɔ ɛp wi tich gɛt di sem tru tin dɛn ɛn na di sem we dɛn de. Bɔt, di Teach Us buk simpul fɔ tich wit ɛn i izi fɔ ɔndastand. Dɛn mek am fɔ di wan dɛn we i nɔ izi fɔ dɛn fɔ ɔndastand di Baybul Tich buk. Di Teach Us buk nɔ gɛt apɛndiks, bɔt i gɛt ɛndnot dɛn we de ɛksplen sɔm wɔd dɛn insay di chapta di we we izi fɔ ɔndastand. Di chapta dɛn nɔ gɛt di kwɛstyɔn dɛn we kin de na di chapta in biginin ɔ rivishɔn bɔks. Bifo dat, we di chapta dɔn i gɛt sɔmri we de tɔk bɔt di tru tin dɛn we de insay di Baybul we wi bin dɔn tɔk bɔt. Jɔs lɛk di Baybul Tich buk, wi kin gi di Teach Us buk ɛnitɛm, ilɛksɛf nɔto in wi de prich wit insay di mɔnt. Aw wi go yuz dis fayn tin we di Teach Us buk gɛt we wi de kɔndɔkt Baybul stɔdi?

SƆMRI: Fɔ bɔku pipul dɛn, we wi de kɔndɔkt Baybul stɔdi, i kin bɛtɛ fɔ rid di paregraf fɔs na di Baybul Tich buk, dɔn wi aks di kwɛstyɔn. Bɔt, wetin fɔ du if wi gɛt Baybul stɔdi we nɔ sabi di langwej bɛtɛ ɔ we nɔ sabi rid fayn? If na so i bi, yu kin disayd fɔ yuz di Teach Us buk. Dɔn yu kin yuz di sɔmri say na di chapta we yu de kɔndɔkt di stɔdi ɛn ɛnkɔrej di studɛnt fɔ rid di chapta fɔ insɛf. Yu kin yuz 15 minit fɔ tich yu Baybul stɔdi wan pan di tru tin dɛn na di Baybul we dis buk tɔk bɔt. Bikɔs di sɔmri say nɔ tɔk bɔku bɔt di tin dɛn we de insay di chapta, di ticha fɔ pripia fayn fayn wan ɛn i fɔ de tink bɔt aw i go ɛp in Baybul stɔdi as i de pripia. If di ticha de yuz di chapta fɔ kɔndɔkt Baybul stɔdi, i kin yuz di sɔmri say fɔ du rivishɔn.

ƐNDNOT DƐN: Di wɔd dɛn we de na di ɛndnot dɛn de di sem we lɛk aw dɛn de na di chapta. Di ticha kin disayd if i want fɔ tɔk bɔt di ɛndnot dɛn na di Teach Us buk we i de kɔndɔkt di stɔdi.