Di Grɔn . . . “Swɛla di Wata”

Fɔ lɔng tɛm naw, pipul dɛn we de rul dɔn de ɛp Jiova in pipul dɛn. (Ɛzr 6:​1-12; Ɛst 8:​10-13) Ivin insay wi yon tɛm wi dɔn si aw “di grɔn” we na di tin dɛn na dis wɔl de swɛla “di wata” we na di tin dɛn we “di dragɔn” Setan de mek dɛn du to wi fɔ mek wi sɔfa. (Rɛv 12:​16) Sɔntɛnde, Jiova di Gɔd “we de sev pipul” kin yuz mɔtalman rula dɛn fɔ ɛp in pipul dɛn.—Sam 68:​20; Prɔ 21:​1.

Bɔt if dɛn put yu na prizin bikɔs ɔf yu fet, nɔ ɛva fil se Jiova dɔn lɛf yu. (Jɛn 39:​21-23; Sam 105:​17-20) Gɛt kɔnfidɛns fɔ se Jiova go blɛs yu fɔ di fet we yu gɛt ɛn mɛmba bak se we yu nɔ kɔmɔt biɛn Jiova, dat de ɛnkɔrej yu brɔda ɛn sista dɛn we de difrɛn say dɛn na di wɔl.—Fil 1:​12-14; Rɛv 2:​10.

WACH DI FIM WE GƐT DI TAYTUL, WI BRƆDA DƐN NA KORIA WE DƐN FRI FRƆM PRIZIN, DƆN UNA ANSA DƐN KWƐSTYƆN DƐN YA:

• Wetin mek fɔ lɔng tɛm naw dɛn dɔn de put wi brɔda dɛn na prizin insay Sawt Koria?

• Us kɔt kes dɛn mek dɛn fri sɔm pan wi brɔda dɛn bifo tɛm?

• Wetin wi go du fɔ ɛp wi brɔda dɛn we de na prizin bikɔs ɔf dɛn fet?

• Aw wi fɔ yuz ɛni fridɔm we wi gɛt rayt naw?

• Udat na di men pɔsin we de ɛp wi fɔ win ɛni kɔt kes?