LIV YU LAYF LƐK KRISTIAN
Mɛmba fɔ Pre fɔ Wi Kɔmpin Kristian dɛn we Pipul dɛn De Mek Dɛn Sɔfa
Di Baybul bin dɔn tɔk se Setan go mek wi sɔfa fɔ pwɛl wi prichin wok. (Jɔn 15:20; Rɛv. 12:17) Aw wi go ɛp wi kɔmpin Kristian dɛn we pipul dɛn de mek dɛn sɔfa na ɔda kɔntri dɛn? Wi kin pre fɔ dɛn. “Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.”—Jem. 5:16.
Wetin wi kin pre fɔ? Wi kin aks Jiova fɔ mek wi brɔda ɛn sista dɛn gɛt maynd ɛn fɔ mek i ɛp dɛn fɔ lɛ dɛn nɔ fɔ fred. (Ayz. 41:10-13) Wi kin pre bak fɔ mek di wan dɛn we de rul wi, alaw wi fɔ du di prichin wok, “so dat waala nɔ go de na wi layf.”—1 Tim. 2:1, 2.
We pipul dɛn bin de mek Pita ɛn Pɔl sɔfa, di Kristian dɛn we bin de trade trade bin kɔl dɛn nem we dɛn bin de pre fɔ dɛn. (Akt 12:5; Rom 15:30, 31) Ilɛksɛf wi nɔ no di nem dɛn fɔ ɔl di wan dɛn we dɛn de du bad to tide, yu nɔ tink se we wi de pre fɔ dɛn, wi kin tɔk bɔt dɛn kɔngrigeshɔn, dɛn kɔntri, ɔ usay dɛn kɔmɔt?