Lɛ Wi Tray Fɔ Du Dis We Wi De Prich —Ajɔst Wetin Yu Plan fɔ Tɔk

WETIN MEK I IMPƆTANT?: Di anɔyntɛd ɛn di ɔda ship de invayt pipul dɛn we kɔmɔt difrɛn say dɛn fɔ “tek di wata we de gi layf, fɔ fri.” (Rɛv 22:​17, NWT) Dis wata tinap fɔ di arenjmɛnt we Jiova dɔn mek fɔ sev pipul dɛn we de obe, frɔm sin ɛn day. Fɔ mek wi go ebul fɔ ɛp pipul dɛn we gɛt difrɛn kɔstɔm dɛn ɛn we biliv difrɛn tin we i kam pan rilijɔn, wi nid fɔ tɔk bɔt di “gud nyuz we go de sote go” di kayn we we go mek pipul dɛn gladi fɔ lisin to wi.—Rɛv 14:​6.

AW FƆ DU AM?:

• Pik wan tɔpik ɛn skripchɔ we go tɔch pipul dɛn at na yu tɛritri. Yu kin pik simpul tin fɔ tɔk bɔt ɔ pik sɔntin we yu dɔn de yuz we kin mek pipul dɛn gri fɔ lisin. Us tɔpik ɛn skripchɔ we pipul dɛn kin lɛk fɔ lisin to mɔ? Ɛni nyu tin de we pipul dɛn de tɔk ɛn tink bɔt? Wetin man dɛn kin lɛk fɔ lisin to? Wetin uman dɛn kin lɛk fɔ lisin to?

• We yu de tɔk to pipul dɛn na yu eria, grit dɛn di kayn we aw dɛn kin du na di eria.—2Kɔ 6:​3, 4

• Sabi wetin de insay di buk, magazin, ɛn fim dɛn we de insay wi Tichin Tulbɔks so dat yu go ebul fɔ yuz am to pɔsin we sho se i want fɔ no mɔ

• We yu no se yu go mit sɔm pipul dɛn we de tɔk wan patikyula langwej na yu tɛritri, na fɔ dawnlod tin dɛn we de insay dɛn langwej

• Ajɔst yu tɔpik fɔ fit di pɔsin we yu de prich to. (1Kɔ 9:​19-23) Fɔ ɛgzampul, wetin yu go se if yu no se di pɔsin we yu de tɔk to jɔs dɔn gɛt bɛrin?

WACH DI FIM, DƆN UNA ANSA DƐN KWƐSTYƆN DƐN YA:

• Us tɔpik di pɔblisha bigin fɔ tɔk bɔt to di pɔsin we i de prich to?

• Wetin bin de apin to di pɔsin we i bin de prich to?

• Us skripchɔ dɛn fɔ dɔn fayn fɔ mek i yuz? Wetin mek?

• Aw yu kin ajɔst wetin yu plan fɔ tɔk fɔ fit di pipul dɛn we de na yu tɛritri?