Tɔk bɔt Tin Dɛn we De Apin we Yu De Prich

We Jizɔs bin de prich, i bin yuz di tin dɛn we de apin fɔ tich impɔtant lɛsin dɛn. (Lyu 13:​1-5) Yusɛf kin yuz di tin dɛn we de apin fɔ mek pipul dɛn want fɔ no bɔt di mɛsej bɔt di Kiŋdɔm. We wi dɔn tɔk bɔt aw tin tranga, nachɔral dizasta, fɛt-fɛt na di kɔntri, pipul dɛn we de tek drɔgs, ɔ tin dɛn lɛk dat, aks kwɛstyɔn we go mek di pɔsin tink. Sɔntɛm yu go aks am se: “Yu tink se ɛniwan pan dɛn tin dɛn ya go ɛva dɔn?” ɔ “Wetin yu tink se go sɔlv di prɔblɛm dɛn bɔt . . . ?” Dɔn sho am wan Baybul vas we de tɔk bɔt di tɔpik. If di pɔsin sho se i gɛt intrɛst, sho am wan vidio ɔ pɔblikeshɔn we de na wi Tichin Tulbɔks. As wi de tray tranga wan fɔ tɔch di pipul dɛn we de na wi tɛritri dɛn at, mek wi “du ɔltin bikɔs ɔf di gud nyuz.”—1Kɔ 9:​22, 23.

Us tɔpik dɛn pipul dɛn go want fɔ no mɔ bɔt na yu tɛritri?