Lɛ Wi Tray Fɔ Du Dis We Wi De Prich​—Prich to Pipul dɛn we Blaynd

WETIN MEK I IMPƆTANT? Bɔku pan di wan dɛn we blaynd nɔ kin lɛk fɔ tɔk to strenja dɛn. So wi rili nid fɔ lan aw fɔ prich to dɛn. Jiova de sho se i bisin bɔt di wan dɛn we blaynd. (Lɛv 19:​14) Wi go falamakata in ɛgzampul we wi ɛp di wan dɛn we blaynd fɔ lan bɔt am.

AW FƆ DU AM?

• “Fɛn” blaynd pipul dɛn. (Mat 10:​11) Yu sabi pɔsin we in fambul blaynd? Una gɛt skul ɔ ɔda ples usay blaynd pipul dɛn de, we go lɛk fɔ gɛt buk, magazin, ɛn ɔda tin dɛn fɔ di wan dɛn we blaynd?

• Sho se yu bisin bɔt dɛn. We yu tray fɔ bi padi to dɛn ɛn sho se yu bisin bɔt dɛn, i go mek dɛn fil fri fɔ tɔk to yu. Bigin fɔ tɔk to dɛn bay we yu tɔk sɔntin we bɔku pipul dɛn na di eria go lɛk fɔ yɛri

• Ɛp blaynd pipul dɛn fɔ lan bɔt Jiova. Di ɔganayzeshɔn dɔn mek bɔku buk, magazin, ɛn ɔda tin dɛn insay difrɛn fɔmat dɛn fɔ ɛp di wan dɛn we nɔ de si fayn ɛn di wan dɛn we blaynd. Aks di pɔsin us we i go want fɔ lan. Di savis ovasia fɔ mek shɔ se di litrechɔ savant fil di fɔm fɔ aks fɔ litrechɔ na di fɔmat we di pɔsin we blaynd go want