Mama ɛn Papa dɛn, Una Tich Una Pikin dɛn Wetin Dɛn Nid fɔ No

Insay di wɔl we wi de, pipul dɛn de tray fɔ mek wi tink se gud na bad ɛn bad na gud. (Ayz 5:​20) I sɔri fɔ no se sɔm pipul dɛn de du tin dɛn we Jiova et, ɛn dɛn de ivin biev di kayn we we nɔ fayn to dɛn kɔmpin man ɔ uman. Pipul dɛn kin tray fɔ mek wi yɔŋ wan dɛn fala di we aw dɛn de biev, ivin dɛn kɔmpin dɛn na skul. Aw una go pripia una pikin dɛn fɔ tinap tranga wan we dɛn kayn tɛst dɛn ya mit dɛn ɛn ɔda wan dɛn?

Tich yu pikin dɛn Jiova in lɔ dɛn. (Lɛv 18:​3) As yu pikin de gro, go de tich am smɔl smɔl wetin di Baybul se bɔt mami ɛn dadi biznɛs. (Dit 6:​7) Aks yusɛf: ‘A dɔn tich mi pikin dɛn di rayt we aw fɔ sho se dɛn lɛk pɔsin? A dɔn tich dɛn wetin mek i impɔtant fɔ drɛs di rayt we? A dɔn mek dɛn no wetin mek ɔda pipul dɛn nɔ fɔ ɛkspɛkt dɛn fɔ du sɔm tin dɛn, ɛn wetin pɔsin nɔ fɔ du to dɛn? Mi pikin dɛn go no wetin fɔ du if pɔsin tray fɔ sho dɛn rud rud pikchɔ ɔ fim dɛn, ɔ aks dɛn fɔ du sɔntin we Jiova se rɔng?’ We yu tich dɛn bifo tɛm, dat go ɛp dɛn fɔ avɔyd bɔku prɔblɛm dɛn. (Prɔ 27:​12; Ɛkl 7:​12) We yu tich yu pikin dɛn yu de sho se yu lɛk di valyu gift we Jiova dɔn gi yu.—Sam 127:​3.

WACH DI FIM WE GƐT DI TAYTUL, BIL OS WE GO LAS—PROTƐKT YU PIKIN DƐN FRƆM TIN DƐN WE “BAD,” DƆN UNA ANSA DI KWƐSTYƆN DƐN WE DE DƆŊ:

• 

  Wetin mek sɔm mama ɛn papa dɛn nɔ kin want fɔ tich dɛn pikin dɛn bɔt mami ɛn dadi biznɛs?

• 

  Wetin mek mama ɛn papa dɛn fɔ tren dɛn pikin dɛn “lɛk aw Jiova se”?—Ɛfi 6:​4

• 

  Us tin dɛn Jiova in ɔganayzeshɔn dɔn gi fɔ ɛp mama ɛn papa dɛn fɔ tich dɛn pikin dɛn bɔt mami ɛn dadi biznɛs?—w19.05 pej 12, di bɔks

• Wetin mek i impɔtant fɔ tɔk to yu pikin dɛn ɔltɛm bifo dɛn gɛt siriɔs prɔblɛm?