Yɔŋ Wan Dɛn—Una Tɛl Una Mama ɛn Papa dɛn Wetin De na Una At

Wetin mek una fɔ tray fɔ tɛl una mama ɛn papa dɛn wetin una de tink bɔt? (Prɔ 23:​26) Bikɔs Jiova dɔn gi dɛn di wok fɔ kia fɔ una ɛn fɔ gayd una. (Sam 127:​3, 4) I go at fɔ mek dɛn ɛp yu if yu nɔ de tɛl dɛn di tin dɛn we de mɔna yu. Ɛn bak, yu nɔ go gɛt chans fɔ lan frɔm dɛn ɛkspiriɛns we dɛn gɛt na layf. I bad fɔ kip sɔm tin dɛn we de na yu maynd to yusɛf? Wɛl, wi nɔ go say so, wans yu nɔ de du am fɔ ful yu mama ɛn papa.—Prɔ 3:​32.

Aw yu go tɔk to yu mama ɛn papa? Fɛn tɛm we oke fɔ yu ɛn dɛn. If i nɔ izi fɔ fɛn tɛm fɔ tɔk to dɛn, yu kin rayt lɛta to wan pan dɛn ɛn tɛl am aw yu de fil. Wetin yu go du if dɛn want mek una tɔk bɔt tɔpik we yu nɔ want fɔ tɔk bɔt? Mɛmba se dɛn rili want fɔ ɛp yu. Si yu mama ɛn papa lɛk padi dɛn, nɔ si dɛn lɛk yu ɛnimi. Di tray we yu de tray fɔ tɔk to yu mama ɛn papa dɛn go bɛnifit yu naw ɛn sote go!—Prɔ 4:​10-12.

WACH DI VIDIO WE GƐT DI TAYTUL, MI LAYF AS TINEJA—AW A GO TƆK TO MI MAMA ƐN PAPA? DƆN UNA ANSA DI KWƐSTYƆN DƐN WE DE DƆŊ:

• 

  Wetin Ɛsta ɛn Patrik bin kam fɔ no bɔt dɛnsɛf?

• 

  Wetin yu kin lan frɔm Jizɔs in ɛgzampul?

• 

  Aw yu mama ɛn papa dɛn dɔn sho se dɛn bisin bɔt yu?

• 

  Us Baybul prinsipul dɛn go ɛp yu fɔ tɔk to yu mama ɛn papa?