Yu Kin Ɛp fɔ Mek Yu Famili Gɛt Gladi-At

Jiova want famili dɛn fɔ gladi. (Sam 127:​3-5; Ɛkl 9:​9; 11:​9) Bɔt, wi gladi-at kin ambɔg bikɔs ɔf di strɛs we de na di wɔl, ɛn di mistek dɛn we wi fambul dɛn kin mek. Wetin ɔlman na di famili go du fɔ mek dɛn gɛt gladi-at?

Maredman de ɔnɔ in wɛf. (1Pi 3:​7) I de spɛnd tɛm wit am. I nɔ de ɛkspɛkt am fɔ du pas wetin i ebul fɔ du ɛn i de sho se i gladi fɔ wetin i ebul fɔ du fɔ in ɛn di famili. (Kol 3:​15) I de sho se i lɛk am ɛn i de prez am.—Prɔ 31:​28, 31.

Wɛf de luk fɔ we dɛn fɔ sɔpɔt in man. (Prɔ 31:​12) I de put insɛf ɔnda in man ɛn rɛdi fɔ wok wit am. (Kol 3:​18) I kin tɔk fayn to am ɛn tɔk fayn bɔt am.—Prɔ 31:​26.

Mama ɛn Papa dɛn de spɛnd tɛm wit dɛn pikin dɛn. (Dit 6:​6, 7) Dɛn de tɛl dɛn pikin dɛn se dɛn lɛk dɛn. (Mat 3:​17) We dɛn de kɔrɛkt dɛn, dɛn de sho se dɛn lɛk dɛn ɛn tek tɛm du am.—Ɛfi 6:​4.

Pikin dɛn de ɔnɔ ɛn obe dɛn mama ɛn papa dɛn. (Prɔ 23:​22) Dɛn de tɛl dɛn mama ɛn papa dɛn aw dɛn de tink ɛn fil. Dɛn de lisin we dɛn mama ɛn papa dɛn kɔrɛkt dɛn ɛn dɛn de sho se dɛn rɛspɛkt dɛn.—Prɔ 19:​20.

WACH DI VIDIO WE GƐT DI TAYTUL, AW YU GO GƐT GLADI-AT INSAY YU FAMILI?, DƆN UNA ANSA DI KWƐSTYƆN WE DE DƆŊ:

Wetin dɛn ɔl bin du fɔ gɛt gladi-at na di famili?