LIV YU LAYF LƐK KRISTIAN

Gladi fɔ di Chans we Yu Gɛt fɔ Stat fɔ Tɔk to Pipul Dɛn

Fɔ stat fɔ tɔk to pipul dɛn apat frɔm os to os, na wan pan di fayn we dɛn fɔ stat fɔ prich. Bɔt, wi go fred fɔ stat fɔ tɔk to pipul dɛn if wi de wɔri tumɔs bɔt aw wi go stat fɔ tɔk to dɛn bɔt di Baybul. Bifo yu wɔri tumɔs bɔt wetin fɔ se fɔ prich, sho se yu bisin bɔt di pɔsin. (Mat 22:39; Fil 2:4) If we una de tɔk yu gɛt chans fɔ tɔk bɔt wetin yu biliv, yu gɛt bɔku tul dɛn fɔ ɛp yu.

Aw dɛn tul dɛn ya go ɛp yu fɔ prich bɔt wan tɔpik we kam ɔp we una de tɔk?

Your answer

Pikchɔ dɛn: Difrɛn trakt dɛn. 1. “Aw Yu Si di Baybul?” 2. “Wetin Yu Tink bɔt di Bambay?” 3. “Wetin Na di Men Tin We Go Mek Famili Gɛt Gladi At?” 4. “Udat Rili De Rul di Wɔl?” 5. “Wi Go Ɛva Lɛf fɔ Sɔfa?” 6. “Yu Tink Se di Wan dɛn We Dɔn Day Go Gɛt Layf Bak?” 7. “Wetin na Gɔd in Kiŋdɔm?” 8. “Usay Wi Go Fɛn Ansa To Sɔm Impɔtant Kwɛstyɔn dɛn We Wi Kin Aks?”

Your answer

WACH DI VIDIO WE GƐT DI TAYTUL, “AYƐN DE SHAP AYƐN”—STAT FƆ TƆK TO PƆSIN, DƆN UNA ANSA DI KWƐSTYƆN WE DE DƆŊ:

Us tri stɛp dɛn go ɛp wi fɔ impruv di we aw wi de stat fɔ tɔk to pipul dɛn?

Your answer