Tink bɔt di Men Pɔynt dɛn Bak

I nɔ kin izi fɔ yu sɔntɛnde fɔ mɛmba wetin yu jɔs dɔn stɔdi? Dat kin apin to wi ɔl wan wan tɛm. Wetin go ɛp yu? Tink bɔt di men pɔynt dɛn bak.

We yu de stɔdi, na fɔ de stɔp wan wan tɛm fɔ tink bɔt impɔtant pɔynt dɛn we yu jɔs dɔn lan. Na dat Pɔl bin ɛnkɔrej di brɔda ɛn sista dɛn fɔ du we dɛn bin de stɔdi in lɛta. I bin se: “Na dis na di men tin.” (Ibru. 8:1) I bin yuz dɛn wɔd dɛn de fɔ ɛp di wan dɛn we bin de lisin to am fɔ ɔndastand wetin i bin min ɛn aw ɔl wetin i de se kɔnɛkt to di men tin we i bin de tɔk bɔt.

Sɔntɛm yu kin yuz tɛn minit we yu dɔn fɔ stɔdi fɔ tink bɔt di men pɔynt dɛn we yu dɔn lan. If yu nɔ ebul fɔ mɛmba di pɔynt dɛn, luk di sɔbɛdin dɛn bak ɔ rid di fɔs sɛntɛns dɛn na ɛni paregraf fɔ ɛp yu fɔ mɛmba. If yu lan nyu tin, tray fɔ ɛksplen am insay yu yon wɔd. We yu de tink bak bɔt di men pɔynt dɛn, i nɔ go jɔs ɛp yu fɔ mɛmba, bɔt i go ɛp yu bak fɔ ɔndastand gud gud wan aw di tin we yu de stɔdi gɛt sɔntin fɔ du wit yu.