Yuz di Baybul Lɛk Lukin-Glas

Jems we na bin disaypul bin kɔmpia di Baybul to lukin-glas we de ɛp wi fɔ si udat wi rili bi. (Jems 1:22-25) Aw wi go ebul yuz di Baybul gud gud wan lɛk lukin-glas?

Tek tɛm rid am. If wi jɔs luk wisɛf na glas kwik kwik wan, sɔntɛm wi go ovaluk impɔtant tin dɛn we wi nid fɔ ajɔst. Fɔ mek wi go ebul si say dɛn we wi nid fɔ pe atɛnshɔn to, i go fayn fɔ mek wi tek tɛm rid Gɔd in Wɔd.

Pe atɛnshɔn mɔ to yusɛf pas aw yu de pe atɛnshɔn to ɔda pipul dɛn. Sɔntɛnde, di we aw wi ol glas go mek wi si se sɔntin rɔng wit di we aw ɔda pɔsin drɛs ɔ luk. Semweso, wi kin yuz di Baybul fɔ luk fɔ ɔda pɔsin in fɔlt dɛn. Bɔt dat nɔ go ɛp wi fɔ kɔrɛkt wi yon fɔlt dɛn.

Tink di rayt we. If wi luk na glas ɛn jɔs pe atɛnshɔn to wetin wi nɔ lɛk bɔt wisɛf, sɔntɛm wi at go pwɛl. Wi nid fɔ tink di rayt we we wi de rid Gɔd in Wɔd bay we wi nɔ de ɛkspɛkt se wi fɔ du pas wetin Jiova de ɛkspɛkt wi fɔ du.—Jems 3:17.