Rɛdi Yu At

We wi de stɔdi di Baybul, wi want lɛ di tin dɛn we wi de lan bɔt Jiova afɛkt di we aw wi de tink, fil, ɛn di tin dɛn we wi want. Ɛzra sɛt fayn ɛgzampul fɔ wi bay we i bin “rɛdi in at fɔ stɔdi Jiova in Lɔ.” (Ɛzra 7:10) Aw wi go rɛdi wi at?

Pre. Pre ɔltɛm bifo yu stat fɔ stɔdi. Pre to Jiova fɔ mek i ɛp yu fɔ ɔndastand ɛn aplay wetin yu de lan.​—Sam 119:18, 34.

Put yusɛf dɔŋ. Gɔd de ayd di trut frɔm di wan dɛn we prawd ɛn we tink se Jiova nɔ nid fɔ ɛp dɛn fɔ ɔndastand di Baybul. (Lyuk 10:21) Avɔyd fɔ du risach jɔs bikɔs yu want mek ɔda pipul dɛn tink se yu sabi bɔku tin dɛn. Put yusɛf dɔŋ ɛn chenj di we aw yu de tink if di we aw yu de tink nɔ gri wit di we aw Gɔd de tink.

Lisin to Kiŋdɔm siŋ. Myuzik gɛt di pawa fɔ tɔch wi at ɛn mek wi rɛdi fɔ wɔship Jiova. We yu lisin to Kiŋdɔm siŋ bifo yu stat fɔ stɔdi, dat go ɛp yu fɔ rɛdi yu at.