Stɔdi fɔ Mek Yu Go Ebul Tɛl Ɔda Pipul dɛn Wetin Yu Dɔn Lan

Wi kin fil fayn we wi de stɔdi di Baybul. Bɔt wi kin fil fayn mɔ we wi de tɛl ɔda pipul dɛn di tin dɛn we dɔn lan we dɔn ɛp wi fɔ gɛt tayt padi biznɛs wit Jiova. Prɔvabs 11:25 tɔk se: “Ɛnibɔdi we de mek ɔda pipul dɛn fil fayn, dɛn go mek insɛf fil fayn.”

We wi tɛl ɔda pipul dɛn wetin wi dɔn lan, dat go mek i izi fɔ lɛ wi mɛmba wetin wi dɔn lan ɛn ɔndastand am gud gud wan. Ɛn wi kin gladi fɔ tɛl ɔda pipul dɛn di valyu tin dɛn we wi dɔn lan bikɔs wi no se i go bɛnfit dɛn.—Akt 20:35.

Tray fɔ du dis: Go de luk fɔ chans fɔ tɛl pɔsin wetin yu dɔn lan insay dis wik we de kam. Sɔntɛm yu kin tɛl yu fambul, pɔsin we de na yu kɔngrigeshɔn, wokmet, skulmet, neba, ɔ pɔsin we yu mit na fil savis wetin yu dɔn lan. Tray fɔ ɛksplen wetin yu dɔn lan simpul ɛn klia wan insay yu yon wɔd.

Mɛmba dis: Tɔk bɔt wetin yu dɔn lan fɔ ɛnkɔrej ɔda pipul dɛn, nɔto fɔ sho dɛn wetin yu sabi.—1 Kɔr. 8:1.