Yu Rili Valyu Gɔd in Wɔd?

Di Baybul na oli buk ɛn na Jiova Gɔd tɛl pipul dɛn wetin fɔ rayt ɔl wetin de insay de. (2Pi 1:​20, 21) Di Baybul tɔk mɔ bɔt Gɔd in Kiŋdɔm ɛn di rayt we i gɛt fɔ rul, ɛn dat de gi op to mɔtalman fɔ se bɛtɛ de kam jisnɔ. Di Baybul sho di fayn kwaliti dɛn we wi Papa Jiova we de na ɛvin gɛt.—Sam 86:​15.

Wi ɔl gɛt difrɛn rizin dɛn we mek wi valyu Gɔd in Wɔd. Bɔt wi de sho dat bay we wi de rid am ɛvride ɛn aplay wetin wi de lan? Mek di tin dɛn we wi de du sho se wi de fil lɛk aw wan pan di man dɛn we rayt di sam buk bin fil. I bin se: “A lɛk yu lɔ dɛn bad bad wan!”—Sam 119:​97.

WACH DI FIM WE GƐT DI TAYTUL, DƐN VALYU DI BAYBUL—SHƆT PAT (WILIAM TINDEL), DƆN UNA ANSA DI KWƐSTYƆN DƐN WE DE DƆŊ:

• 

  Wetin mek Wiliam Tindel bin translet sɔm pat dɛn na di Baybul?

• Wetin mek i fayn fɔ mɛmba di tin we i du fɔ translet di Baybul?

• Aw dɛn bin ebul fɔ kɛr sɔm kɔpi dɛn pan Tindel in Baybul insay Inglan?

• Aw wi ɔl go sho se wi rili valyu Gɔd in Wɔd?