Yuz Pikchɔ ɛn Fim dɛn fɔ Tich

Jɛnɛsis 15:​5

WETIN FƆ DU: We yu de tich, yuz tin dɛn we pipul dɛn de si fɔ mek impɔtant pɔynt dɛn klia ɛn izi fɔ mɛmba.

AW FƆ DU AM:

• Sho tin dɛn we pipul dɛn de si fɔ tich fayn fayn wan. Yuz pikchɔ dɛn, drɔin dɛn, map dɛn, taym layn [pikchɔ we de sho det], ɔ ɔda tin dɛn we de sho di impɔtant pɔynt dɛn, nɔto tin dɛn we nɔ impɔtant. Ɛp di pipul dɛn fɔ mɛmba di impɔtant pɔynt dɛn we yu de tich nɔto jɔs di tin dɛn we yu sho dɛn.

• Mek shɔ se di pipul dɛn ebul fɔ si di tin dɛn we yu de sho dɛn. Fɔ ɛgzampul, we yu de yuz pikchɔ fɔ gi tɔk na stej, mek shɔ se i big so dat ɔlman go si am.