Lan Frɔm di Pikchɔ Dɛn

Wi pɔblikeshɔn dɛn gɛt bɔku pikchɔ dɛn we de tich wi impɔtant pɔynt dɛn. Aw yu go ebul lan mɔ frɔm dɛn pikchɔ dɛn de?

• Luk di pikchɔ dɛn fɔs bifo yu rid di atikul. Di pikchɔ dɛn go mek yu want fɔ rid di atikul. Jɔs lɛk ɛni fayn it, na di yay fɔs kin “tes.” So aks yusɛf, ‘Wetin a de si?’​—Emɔs 7:7, 8.

• We yu de rid di atikul, tink bɔt wetin mek dɛn pik di pikchɔ dɛn we de de. Rid di pikchɔ kapshɔn dɛn ɔ di smɔl tin we dɛn kin rayt bɔt di pikchɔ if dɛn de. Tink bɔt aw di pikchɔ dɛn kɔnɛkt to di tɔpik we di atikul de tɔk bɔt ɛn aw yu go aplay wetin yu lan frɔm di pikchɔ.

• We yu dɔn fɔ rid di atikul, yuz di pikchɔ dɛn fɔ tray fɔ mɛmba di men pɔynt dɛn na di atikul. Tray fɔ imajin di pikchɔ dɛn ɛn tink bɔt di pɔynt dɛn we ɛniwan pan dɛn bin tich yu.

• Yu nɔ tink se i go fayn fɔ luk bak di pikchɔ dɛn na dis magazin ɛn si if yu go ebul mɛmba di pɔynt dɛn we yu dɔn lan?