Lɛ Wi Tray fɔ Du Dis we Wi De Prich—Fɛn Fayn We Aw Yu Go Bigin Tɔk

Wetin Mek Dis Impɔtant? If di fɔs tin we wi go yuz fɔ bigin tɔk nɔ fayn, di pɔsin we wi go mit, go tray fɔ stɔp wi ivin bifo wi bigin fɔ prich to am. So bɔku pɔblisha dɛn tink se di fɔs tin we dɛn go tɔk, na in na di impɔtant pat pan wetin dɛn dɔn plan fɔ tɔk. Pan ɔl we Wi Kiŋdɔm Ministri ɛn di Reasoning buk kin gɛt say we de sho wetin wi fɔ se, dɛn nɔ kin gɛt ɔltin we wi go yuz fɔ bigin tɔk. Dɛn nɔ kin gɛt dis bikɔs dat go mek wi ebul fɔ yuz difrɛn difrɛn tin dɛn fɔ bigin tɔk to di pipul dɛn. Ilɛksɛf di ɛgzampul tɔk bɔt ɔltin, pɔblisha dɛn kin chenj am to aw dɛn want am ɔ ivin mek dɛn yon. Wi go ebul fɔ prich fayn to pipul dɛn if wi tek tɛm fɛn fayn tin we wi go yuz fɔ bigin prich. I nɔ go fayn if wi jɔs tɔk to di pɔsin we wi mit, ɛnitin we kam na wi maynd.—Prɔv. 15:28.