Aisaya

18 Kpundɔɔ cho le lɛŋnde nɔ nyaa labɔɔwa leŋ,

Le cho o tanda cho o peelaŋ Itoopiaa+ laŋ!

 2 Lɛŋndeŋ le yɔŋ waŋnda o pee mɛŋma ihɛllo choo,

Ma taŋ o dɛndɛla nda toosiaa a tɔlɔɔ velaŋ a tɛiyo niŋ, ma dimul nda aa:

“La kɔ, nya kiilaa keleŋa haa chɔ chɔ wa,

O lɛŋnde waŋnda cho a vilɛi mi dialloŋ wa nda kpɔlɔkɔ leŋ niŋ,

O wanaa waŋnda nɔ siooŋnde le nda ba o ba fee wa lo,+

Wanaa nɔ kpaayaa nduyɛ ma yam niŋ lɛŋii bɔɔbɔɔ wa lo,

Lɛŋnde mɛŋndaŋ ma basu mi ma kuaŋnuŋ a nyɛ o nyɛ leŋ niŋ.”

 3 Nya wanaa cho ba o ba fee o lɛŋndeŋ choo wa,

Nyɛ nya che wo cho wa maa tamasi nda simi o pemboŋ choo wo.

“I cho hiouwɔɔ lachi a tofaa o fondaŋ ni cho isisi yi wo nyɛ o nyɛ paaliaŋ ya le,

Mɛɛ nyɛ teŋgaa lepalaa huŋ nuaa a haŋgullo yɛ,

Vɛlɛ a mɛɛ mɔm ikpuŋgbaa wa nuaa a haŋgullo a teleŋ kuauwaa yɛ.

 5 Tuupa mi teleŋ kuauwaa fuuluu,

Boondii peeŋgelaŋ la cho chuwɔɔ deli mi kilepiiyaŋ ma kandu diuwɔɔ ve,

A cho lɛuwoŋ kili a mɔɔŋ nda bɛɛndiaa tɔlɔɔlaŋ ndoŋ,

Nduyɛ ma kili kili yuei ma faaŋiaa ndi.

 6 Dialuŋ ndaŋ cho wa ŋ malaa le mi youwaa biyaa cho o pemboŋ choo wa de,

Vɛlɛ a visiaa yonduaa cho o lɛŋndeŋ choo wa.

Nda choo youwaa biyaa hivi niŋ wɔɔleŋ ni,

Nduyɛ mi visiaa yonduaa o lɛŋndeŋ choo bɛɛ kpou hivi teleŋ kuauwaa nda choo.

 7 A teleŋ koŋ, a cho Chɛhowa, Mɛlɛka puaa chɔuwa chuu kioo,

Fulaa o lɛŋnde waŋnda cho a vilɛi mi dialuŋ ndaŋ wa kpɔlɔkɔ leŋ niŋ,

Wanaa waŋnda nɔ siooŋnde le nda ba o ba fee wa,

Wanaa nɔ kpaayaa nduyɛ ma yam niŋ lɛŋii bɔɔbɔɔ wa,

Lɛŋnde mɛŋndaŋ ma basu mi ma kuaŋnuŋ a nyɛ o nyɛ leŋ.