SUƐI LEBOLLE O KƆƆ | BAA SETANA CHO PA?
Baa Setana Cho Pa?
“Ɛl Savedɔ ya mandaŋ ni. Te yaa tosa pɛ nilakalulaŋ, kala nuu weenuŋ ya aa, ‘Nyina Wɔɔŋndo hiŋ num biyɔɔ!’ Okoŋ I muli aa, ‘O huŋ!’ I nɔ laalaŋndo o Mɛlɛka niŋ kɛ o cho o Setana niŋ te.”—LOKELIO
A chɛl nyɛ Lokelio dimi hoo wo? Vɛɛ num che yɛ yiyaŋnda waŋnda a Setana okɔɔ a mɛɛ sɔɔŋ muŋ lebɛŋgu chɔm yɛ?
Setana cho kpeekpei le, kɛ dɛnɛ wɔɔŋndo ko o vel ni.
Setana cho, kɛ nyɛɛmbɔ koni o nɔ yeemɛi o waŋchieeya niŋ ni.
Setana cho nyina kpaaya bɛndu cho waŋchieeya choo wo ni.
Yiyaŋ ndaŋ o kɛ kɛ nɔ wanaa toolaa, naapum o miiliɔŋndaŋ niŋ. Baa o cho pa suɛi sɔvɛ le sinaa yiyaŋ cho tonya wo? Kɛ te Setana cho achal te, wanaa laalaŋ maa o cho achalla huinuŋ ndapila. Te Setana wa yɛ a chal pɛ kɛ mbo nɔ iyeema le waŋchieeya le, wanaa cho yekeŋ, nduyɛ ma nɔ siooŋii nduɛi ya, fondo fuu nda cho hei tosaa ni. O baa pilɔɔ choo, te wana lachoowaa Setana cho ni, mɛɛ o wɔu mbo hiau bɛɛ mɛɛ wanaa bɔɔbɔɔ yiyaŋ yɛ.
Ŋ yaasiaŋndɔ mɛɛ Baabuiyo muli nyunalaŋ ndaŋ yɛ. Yɛɛ cho yɛ Setana? Ɔɔ, nɛɛ cho yɛ Setana? Baa velaŋ dɛnɛ wɔɔŋndo o cho ni? Ɔɔ, wana cho o inyinaya wo o cho ni? Te waŋndo Setana cho ni, wana kpundɔɔ o cho le num ni? Te o wa lende pɛ, vɛɛ ŋ mandaŋ yɛ a ndu?