MULILAŊ LE NYUNALA BAABUIYO
Yɛɛ tosa yɛ mi wanaa bɔɔbɔɔ laalaŋ maa Wana Toosiaa nyɔɔŋ ndo cho?
Baa o cho nyɛ kɔndɔfili le yoomoo cho le?
O wɔsiŋ 3,000 hiou woŋ niŋ, mi wana ŋchondu pilɛ poonyiaa aa, “O nɛi kɔndɔfili bɛndoo niŋ ŋ toosiaa ya ni.” (Chondei 139:14, NW) Te a yiyaŋ pɛ mɛɛ chɛlɛkpɔɔ chiŋa chiŋiaŋ o demboo niŋ yɛ, hei bii num kɔndɔfili le? Waŋnda tau saŋgala Mɛlɛka maa, ndu cho Wana Toosiaa nyɛm yoomaŋ ndo ni.—Nuawɔ Chondei 139:13-17, NW; Hibuluiya 3:4.
Wana toosiaa chieeŋndo, a nyɛm cho lechoo woŋ ko toosiaa vɛlɛ yoomoo ni. (Chondei 36:9, NW) Mbo suaa o waŋchieeya lo, nduyɛ mbo dimul naa a ndupila okɔɔ.—Nuawɔ Aisaiya 45:18, NW.
Baa o ivisiya naŋ fula ni?
O nɛila bɔɔbɔɔ niŋ, dialuŋ naŋ a ŋ visiaa, nyɛ pilɔɔ kpe ŋ cho ni. Kɛ le sabu icho lende wo cho ni, Mɛlɛka ndoo toosiaa waŋchieeya a visiaa le ma wa achal o chieeŋndo choo. O cho visioo le o soliŋ kpeku le wana chiee tasoo toosiaa le. Kɛ puuloo o soliŋ kpeku ni.—Nuawɔ Kandɔŋ Chieeŋndo 1:24; 2:7.
Waŋchieeya cho teŋgeŋ a visiaa o nɛilaŋ la tiɔɔŋ choo. O tasoo, waŋchieeya nɔ sina pɛŋgoo, kaalaa, nduyɛ a nɔ bɛɛleŋ le Wana Toosiaa nda wo. O diiŋ ndɔɔ, waŋchieeya ndaa toosiaŋ le waa achal lefafɛɛŋ, kɛ o cho visiaa le. Kɛ hau niŋ, waŋchieeya kpou cho piɔmndo le mɛɛ wana tase Mɛlɛka toosiaa wo kɛɛ nɛi chɔmaa ndɔɔ tolɔɔ kɔɔli yɛ.—Nuawɔ Kandɔŋ Chieeŋndo 1:27; 2:15-17.