Sɔɔŋ Lebolloŋ

Ŋ nɔla miŋ sina kɛndɛi, nduyɛ miŋ manda ndi, te ŋ yiyaŋ pɛ o salala Chɛhowa ke naalaŋ choo, nduyɛ miŋ chɔm balika melaa le laŋ. Waa wanaa sinaa ikɛndɛ mala naa miŋ chɔulaba sinamakuɛileŋ. Nduyɛ, miŋ biunuŋ simultaŋ. Naŋndee kpuluŋ, bolle Baabuileŋ le wɔsi 2015 hei cho naa mala le miŋ wa loonɔŋndo a hei okɔɔ.

Buŋgɛi hei chɔm naa kpendekele le sabu naŋ nɔ miŋ loonuŋ a piɔm Chiisoo wo. I chɔm naa nyɛ beediiyo a muɛiyaŋ o Loonuŋyaa choo simndo, nduyɛ icho naa vɛlɛ chɔm mɛɛ waŋndo looku mbo sina yɛ, te o nɔ pɛ mbo de nyɛdiaa hoo. Buŋgɛi hei cho naa vɛlɛ mala miŋ sina mɛɛ naŋ bɛɛndiaŋ le Nyɛdiaa Ichɔl Salamanɔɔ yɛ.

Wanaa cho o nɔɔ niŋnda cho nyɛkindilaa a tɔɔndaŋndaŋ chɔulabaa kpeekpei. Kɛ a mala Chɛhowaa, ŋ nɔla miŋ sɔla nɔ cho o kala poŋ nduyɛ mbo wa a nyaale wo. Buŋgɛi tasei cho naa chɔm kpilikiŋ iMɛlɛkayaŋ ŋuɛɛnu, ŋ naŋ nɔ miŋ taŋgul nɔ kala kala puusiaŋ te wo woŋ. Nduyɛ puulu naŋ nɔ miŋ soliŋ kpeku le muŋ chɔuwɔɔ woŋ. Buŋgɛi diiŋ nduɛi cho naa chɔm nyɛm iMɛlɛkayaŋ naŋ nɔ miŋ soliŋ kpeku le nɔ naa mandaa wo.

Kaala kpeekpei cho wana pɔnɔɔ nda wana lanɔɔ tɛɛŋndo, vɛɛ o cho yɛ? Kaala nɔ lamɛɛlu le wo cho pa? Vɛɛ wana looku yɛ kaala suu waa naa chɔm? Yaasiaa wɔ ma che nyɛ Chondii Sɔlɔmɔŋnde pɛɛku naa a kaala nɔ lamɛɛlu le wo okɔɔ.