Fuoo 22 Naŋ cho Waŋnda Kandɔɔ Veeloo ni le Loonuŋyaa

Naŋndee, Fuoo 22 naŋ cho waŋnda kandɔɔ veeloo ni le hunɔɔ o loonuŋyaa. Naa kpou ŋ cho a dɛɛniaa le waŋnda veeloo. Nyɛ ŋ nɔ le tosaa wo cho o peele 4 choo. Te o bɛnda pɛ, o lɔɔ mɛɛlulaŋ, ŋ ke vɛlɛ waŋnda “Bandu Mɛŋgɛlaa” a “Tiondoo!”. O Ndaama tasoo choo o Nyaakuɛiyo niŋ, yaulaŋ le loonuŋyaa naŋ cho wa waŋnda yɔŋgoo ni, o cho le pɛɛkula Baabuilaŋ kandɔɔ le. Kɛ, te waŋndo chɔm yeemɛi kpeekpeiye pɛ, ŋ kandu pɛɛku Baabuiyo a ndu. Wana cho wali pollo chilaŋ o kundaa niŋndo nɔ mbo kɛɛsiaa te waŋnda yaulaŋ ndaŋ yɔŋgoo o nɛi tɛɛŋ mala pɛ kundaa le mi waŋnda kpou sɔla yaulaŋ ndaŋ o tanda ndaa niŋ. Tuupa miŋ kandu yaulaŋ ndaŋ yɔŋgoo, poonyiaa wanaa ŋ yeema veeloo wa diolaŋ. Nda cho yɛ ni, wanayaŋ numndoŋ, wanaa nya kua o sukuu wa, wanaa nya tosa wallo wa, a wanaa ŋ tosa miiŋgu makɔɔ o nda lo wa. Te ŋ kandu dɔɔ yaulaŋ ndaŋ yɔŋgoo pɛ, a kɔ ke nda. Ŋ nɔ tiindaŋndo maa waŋnda cho hunɔɔ tau o loonuŋyaa hoo le kaala bɛndu Mɛlɛka nda Chiisu chɔm naa hoo wo.—Chɔŋ 3:16; 15:13.