Chɔm Tonya cho a Chiisu Okɔɔ Wo a Sɛmbɔɔ

Sɛmbɛ naa tiuba mbo hiou lachi te ŋ sina pɛ mɛɛ naŋ chɔm acheleŋnda tonya cho a Chiisu okɔɔ wo yɛ. Chiisu cho chiyii kpeekpei laalaŋndo taŋguluŋ choo wo ni. (Ɛfi. 2:20) Te ndoo ve Chiisu le, naŋ nɔ niŋ tiindaŋ yoomu le. (Walta Wanaa Chiisuaa 4:12) Le hei, o cho suɛi sɔvɛ le miŋ sina fondaŋ Chiisu wo o sabu Mɛlɛkaa niŋ. Wanaa bɔɔbɔɔ sɔla niŋ hau huinɔŋndo a pɛɛkula cho o Baabui niŋ kposoŋ te laŋ. O cho suɛi imɔnɔ le sinaa maa naapum, waŋnda haa sɔla niŋ salala Mɛlɛka ke niŋ wanaa dɔu laalaŋndo o Chiisu niŋnda le. Sɛmbɛ naŋ nɔ le tonyaa wo cho naa nyindɔɔ le miŋ mala wanaa yeemɛi cho le pɛɛkoo a Mɛlɛka okɔɔ wa ma sina kɔlkalu kpeekpei cho a Chiisu okɔɔ wo, chaŋyɛi nduɛi nda Mɛlɛka tɛɛŋ, vɛlɛ a fondaŋ ndɔɔ o sabu Mɛlɛkaa niŋ. A chɔm niŋ pa waŋnda tonya cho a Chiisu okɔɔ wo a sɛmbɔɔ boondii loonuŋyaa hei?