Kona Wali Pollo

A cho wa a kɔlkɛndɛ le sinaa maa a Bɛŋgufɔnɔɔ 1, 2014 kundaa Nchala o lɛŋnde Saloŋ ndeŋ niŋ simnuŋ kundaa kpeekpei ni. Kundaa hoo ndoo kilaŋ niŋ paandu o wɔsi 1973 ve niŋ kɛ chɔuwo a bahawɛila cheleŋ la tosa ni mi ndoo puusiaŋ. A Tapioo 1, 2014, mi kundala sɛnɛilaŋ layaa la kilaŋ vɛlɛ o lɛŋnde Kinileŋ niŋ. Laŋ la cho ni, Filiya, Kaŋkaŋ, a Kiindiaa. O hiou wɔsilaŋ 15 kundalaŋ ndaŋ la wa kɛ laa simnuŋndɔ kundala kpeekpei le. Ŋ nɔ tiindaŋndo maa kundala sɛnɛilaŋ ndaŋ la cho hiouwɔɔ lachi a hindɔɔ le wanaa yeema “yoomu kpeekpei nɔ la mɛɛlu le wo” wa malaa ma simnuŋ wanaa laalaŋ. Koŋ chuu Chɛhowa saŋgalaa!—Walta Wanaa Chiisuaa 13:48